ARIEL SOTELO TABÁG

Iti panagsublik, natakuatak a naipadagan Dagiti armas ken prinsipio. Napagpapatasen Dagiti taltalon, barikir ken turod. Saanen A natina iti dara dagiti ubbog ngem ti arapaap Dagiti karayan, mailaklakon kadagiti turista Kadagiti kalapaw kadagiti sirok ti rangtay. Naimulan dagiti kanalbuong ket kasla uong A nagtubon dagiti kapilia. Dagiti agtutubo, Nagigpildan kadagiti biblia: agsasallupang Dagiti alleluia— dagiti agduduma a nagan ti dios, Saan ketdi a bala, dagiti maisirsirig Iti tunggal maysa ket pakaitan-okan ti mapuntaan. Nasurotanen dagiti desdes nga agturong Kadagiti pagadalan. Natakuatandan a saan A naaladan ti lubong ket adda dagiti nalawa A tanap a pagdaliasatan— pakateggedan Iti naisangsangayan a nagan ken gatad A mangipasdek iti batonlagip ti kinaalibtak. Saanen a gumilgil-ayab ti bannawag Ta inadawen dagiti bombilia ti rimatna. Addan kadagiti estereo dagiti tumatayab— Iti telebision dagiti alutiit ken kawitan Ket ti kanito: marukod, makunikon, mabennat, Maisaluket, magatang, ...

Awan ti pagpatinggaan dagiti matana: Masaksianna nga agkikinnallabay dagiti turod Ken kabambantayan a mangrukod Iti kaunggan ti taaw agingga a magtengda Ti eternidad ti ayat a di mamagdadasig, Di mangilanglangi, ketdi mamagpapada. Ngem bassit-usit ti bilegna a mayasping Iti init a mangbilang iti danum ken kadaratan Babaen ti darangna. Idinto a ti gayebgeb Ti isip nga aglaplapusanan, mangdidigra Kadagiti partuat a di agnanayon, temporario— Pangar-artiok iti lasag a napnuan derrep. Nagtubo ti sara iti mugingna, kas iti toro, Kamkamatenna ti naatap nga arapaap Idinto nga agliklikaw iti nailet a lubongna. Naisangsangayan iti agdaldaliasat Ti idadanonna nupay di mangnamnama Ta agtalinaedto latta a ganggannaet: . iti barukongna nga aglati dagiti pasdek . ket kayatna a lemmesen iti sangataaw a lua . ta kadagiti abagana, agdungdung-aw ti away… Nagpayak man iti ulep ti kararuana Adda iti daga dagiti dapanna: kalikagumanna Ti panaglangto ti aglawlaw tapno agsubli Dagiti tumatayab a mang...

(wala mang mga bituin, di naman duling) ayan, nakarating na tayo sa 5, bawas-bawasan na ang fight ang iyong kapeng barako ay ilabas, nang maisawsaw ang aking patupat* nawa’y di tumirik sa 15, ‘yan ang aking dalangin tiyak ako’y mabibitin, kawawa ang unan sa akin o kaya ‘wag namang sumagad sa 25, baka ang natitira kong angas ala, e, maipandasal sa mga santo ng mindoro at batangas kapag bumalandra sa 35, ako ang sisisihin mo kaagad dahil tiyak sa ulong matigas, kolesterol at alak ang bumanat ang pagtuntong sa 45, pagdiriwang na walang katumbas retirado na ako niyan, may panahong mag-bihasa sa sining ng paghimas di na ako mangangarap sa 55, di dahil sa reuma ako’y umaatras malamang sa akin ang iyo nang tawag: ‘pare’ imbes na lab *kakaning malagkit ng mga ilokano na hugis tatsulok na bilugan ARIEL S. TABAG

SILALAGIP dagiti tarukoy iti rangtay a daga ket isapsapatada ti panagkinnamang koma itan dagiti silaw ti lampitaw ken ti rinibu a rimat ti siudad. Nagtengdan ti nagpatinggaan dagiti rukib ket agarapaapda kadagiti abut a mangliwengliweng a mangitunda kadakuada iti panagpatingga ti yaabut ket sitatalinaaydan nga agkukot— sinanam-ay. Kastoy met laeng dagiti umili daytoy puro a mangnamnama iti parabur ti taaw. Dida impagarup nga impasngay dagiti dalluyon ti diosa ti taaw— nupay binulod dagiti matana ti balbag ti tangatang; idinto a ti buokna, ti ginget dagiti bakir: datdatlag ngarud ti pettat nga ilulutuad ti didiosen a nangyam-ammo iti bagina kas E iti aplaya ta iwaragawagna nga inyula dagiti elektroniko a bituen. Ngem ad-adda a nakadatdatlag ti mabalin a panagawaawen ti bileg dagiti didiosen wenno naisangsangayanen ti kabaelan dagiti gagangay a tao, ayup ken ikan. Ta agpapadan dagiti parsua malaksid kadagiti bisti ken batek. Paneknekan ni E ti bilegna babaen ti panangpaltuadna iti baybay...

(ken ni tatang arting iti maika-55 a panagkasangayna idi enero 25) Inestoriana no kasano a sinamalna dagiti siba A pettat a nangdarup iti pinagayan kalpasan ti layus Sa iballaagna a tikag ti mangsaruno iti ulo-ulo ti danum. Kas iti dati, nagmasngaadak a dimngeg Ta insab-itko ti utekko iti kangatuan a pasdek Iti siudad— pinugsatko dagiti waya ti ariangga. Pagin-inanaanna latta ti mangkitikit iti ulo ti kabalio, Wenno daydi agila iti Bantay Quimmallugong Iti bukodna a tignay ti dakulap ken mutektekna. Nasaludsodko ti ipupuskol ti rupa dagiti politiko Insungbatna nga awanen ti makitana a rupa Ket ad-adda a makasarsaritana dagiti bambantina. Nakitak dagiti aglatlati nga eskuelaan ken ospital Ti agrakrakaya a simbaan ken sumagmamano a kapilia Ket ti bandera ti pagilian, adda iti tengnga ti poste. Adda iti kompiuter dagiti impormasion ti lubong Ket agpadan ti uniporme dagiti maestra ken serbidora Naimassayag ti putot ti alkalde nga agnagan iti Doggie. Kinunana dagitoy a kas man dagiti ling-e...

Mamatiak itan nga iti panaginnagaw Ti sipnget ken lawag Agsardeng iti apagkirem ti panagtayyek ti lubong Ta naimatangak: . ti yaagek ti alutiit iti daga; . ti panagbatay ti pagassawaan a kamanokan iti sanga; . ti panagngatingat ti nakauldag a nuang . iti sirok ti mangga; . ti pannakaalay-ay dagiti dalikan . a manglinay iti innapuy; . ti panangkibin ti ama, a limmidok iti tersena, . iti bisikleta a nagsakayan ti putotna nga inauna . a nangsukon kenkuana ken mangisapsapata . a lumbaan daytoy ti bulan ken ti anniniwanna; . ti isasango iti taltalon ti agtutubo nga ina . a nakaubba iti maladaga, ulit-ulitenna: . “Umaykan, Unior, dika agbatbati!”; . ti panagsardeng ti agus ti karayan . ta siuulimek nga inaklon ti taaw . ti nalabaga a maris ti tangatang; . ti pannakaigibus ti samiweng . dagiti tumatayab ta agay-ayaben . dagiti kawayan, dungon, kallupit; . ti pannakairugi ti konsierto . dagiti riari, kuriat ken kullaaw . ta addaan met ti sipnget iti parambak; . ti pannak...

ITI apagkirem, nanalteek ti gemgem ni tatangna iti sangina. Naiparusisi. Naariweng. Immapgad ti katayna. Narikna ni Eman ti panangsarapa ni Manong Mando a kaduana a simmangpet iti bukot ken iti abagana. Nakidser ngem nalamuyot dagiti ima a nakaisadaganna. “Dika makibibiang, sika, ganggannaet!” Nagallangogan ti timek ni Tata Akkos a tatangna. “Am-ammoka! Am-ammokayo amin a maipalpalladaw ditoy!” Naggaraigi ti kabalio ni tatangna a nakagalut iti puon ti dungon iti arubayan ti balayda. Tumanaul met ti nangisit nga asoda iti likudanda idinto a nakaturong dagiti mata dagiti katalonanda kadakuada. Saan a nagkir-in ni Manong Mando. “Ti lokottoyen! Dimo kuna a nabileg ti diosmo! Ditoy, siak ti dios!” Saan latta a nagkir-in ni Manong Mando. Sinango ni Tata Akkos ni Eman. “Tandaanam daytoy: pagsayaatam ti ar-aramidek!” Nagtaray ni Eman a simrek iti dos grado a balayda. Nagtarus iti kosina. Nadanonna nga agin-innarakup nga agsinsinnangit da inang ken manangna. “Eman, Adingko, binallaaganka idin!...

nalapsat met aminen a makitak... masapul ngatan nga agantiparraak wenno addan diperensia daytoy riknak?

Magnaak iti nagbabaetan dagiti pasdek Akikid a kas kadagiti tambak ken desdes Ta dagiti nalalawa a kalsada . para kadagiti agsasanggala a lugan . sanikua dagiti pilid, rugit ken asuk . pakatiliwan dagiti agbasakbasak Narigat ti aglabsing ta ganggannaetkami amin Nupay agpapada dagiti sapatos, bado ken antiparra Agsusupadi dagiti askaw, turongen ken gagem Ta masansan a saligandak, sikilendak, iwadagdak Kasalisalmi ti ania man nga elektroniko kas iti escalator Agingga nga agbalinkamin a makina iti tunggal maysa Aggunay iti tunggal pisel kadagiti de-buton nga utekmi Agpulpuligos ket di mamira ti nagbaetan ti lawag ken sipnget. Agduduma ti maris, rukod, ken lawag dagiti bituen— Magawgaw-at ngem naynay a sapsapulek ti tangatang Kunada: agbatayka iti lulonan dagiti pasdek Ket no marukodmo ti arapaapna, makitamon ti langit. Ania ti bileg ti anglem kadagiti agsasanggala a kimat, Gurruod ken asuk? Malmes ti dung-aw kadagiti agsisimparat Nga awag ket matdaak nga agmaymaysa— tumaliaw, sapulek T...

NAKABARDAY kadagiti diario: ama a nangputot iti putotna; ina a nangsamal kadagiti annakna, babaonen a nanglitson kadagiti amongna… Daytoy ti agdama a panunot ken aw-awid dagiti umili iti siudad, ken— kas kuna ti dadduma— dagiti negosiante met laeng nga among dagiti agiwarwarnak. Idinto a dagiti agparpartuat iti samiweng, agtitiponda kadagiti sirok dagiti agrakrakaya a pasdek a masansan a pagdudukotan dagiti polis tapno maiparammag nga adda ar-aramidenda malaksid iti makilumba iti agdadagsen (wenno iti mangpadakkel kadagiti boksitda). Di makapagkitakit dagitoy musiko ta aruatenda pay laeng, pammanekneken a dida maibilang itoy a gimong nga iturturong dagiti agpampanunot a polis: ti ngudo ti paltog ti usarenda a pangipatungpal iti paglintegan. Dagiti pintor, iti sabali a bangir, ibistida laengen kadagiti diding dagiti imahinasionda ngem iti aramiden a mantel dagiti politiko wenno negosiante nga agparparikut a makaduktal iti kapartakan a paggastosan. IDINTO nga ipadamagda iti away ti panan...

Nagparikna babaen ti lamiis ti tanem Nagparamdam sa lamig ng libingan Ken sipnget dagiti kawaw a mata; At dilim ng mga hungkag na mata Ti langit kasla rukid nga awan ungpotna Ang langit parang yungib na walang katapusan A paglayagan dagiti bapor ni didigra. Na paglalakbayan ng mga barko ng sakuna. Amin-amin, ulimek kasla nagginnura nga agayan-ayat Lahat-lahat, katahimikan gaya ng nag-iibigang nagkagalit A dinton agrinnukma; dagiti barukong napno iti gita; Na hindi na magpapakumbaba; ang mga dibdib punumpuno ng kamandag; Agngarngariet dagiti panga. Amin-amin, naallingagko Nagngangalit ang mga bagang. Lahat-lahat, naulinigan ko Ti umuna a gansa iti daya kas natangken nga aweng Ang unang gansa sa silangan parang matigas na tunog Ti pannakaparnuay, pannakaukom. Dagiti nasilap a ramay Ng paglikha, paghuhukom. Ang mga makikislap na daliri Ikkis di masaba iti daga idatengda. Adda timek Sigaw na di masusupil sa lupa ang kaloob. May tinig A nadagem iti an...