No Bilinen ti Taaw Dagiti Dalluyon
SILALAGIP dagiti tarukoy iti rangtay a daga ket isapsapatada ti panagkinnamang koma itan dagiti silaw ti lampitaw ken ti rinibu a rimat ti siudad. Nagtengdan ti nagpatinggaan dagiti rukib ket agarapaapda kadagiti abut a mangliwengliweng a mangitunda kadakuada iti panagpatingga ti yaabut ket sitatalinaaydan nga agkukot— sinanam-ay.
Kastoy met laeng dagiti umili daytoy puro a mangnamnama iti parabur ti taaw.
Dida impagarup nga impasngay dagiti dalluyon ti diosa ti taaw— nupay binulod dagiti matana ti balbag ti tangatang; idinto a ti buokna, ti ginget dagiti bakir: datdatlag ngarud ti pettat nga ilulutuad ti didiosen a nangyam-ammo iti bagina kas E iti aplaya ta iwaragawagna nga inyula dagiti elektroniko a bituen. Ngem ad-adda a nakadatdatlag ti mabalin a panagawaawen ti bileg dagiti didiosen wenno naisangsangayanen ti kabaelan dagiti gagangay a tao, ayup ken ikan. Ta agpapadan dagiti parsua malaksid kadagiti bisti ken batek.
Paneknekan ni E ti bilegna babaen ti panangpaltuadna iti baybay kadagiti nadadaeg a ramit. Sakbayna, agbayakabak iti pirak ken amin a ganggannaet a ramit ket isalamangkerona nga iserrek kadagiti boksit— inton agsasaruno dagiti tig-ab, agturong dagiti pirak ken ganggannaet a ramit iti pispis ken kuppokuppo. Ikannawag ni E a dagiti nadadaeg a ramit ti manglinglingay kadagiti kunana nga ulila nga aplaya ken sumsumga nga away. Kinadatdatlag manen ti pannakaanamong dagiti binalikasna.
Ad-adda a mangdurog dagitoy a ramit ni E. Ti naragsak, ad-adda a pinaragsakda. Ti naliday, ad-adda a pinalidayda. Ti narugso, ad-adda a rimmugso. Ni pang-aw, ad-adda a pimmang-aw. Ni nasam-it dagiti balikasna, nagsabong iti nagraraay dagiti dilana. Ti agmaymaysa, ad-adda a nailanglangi. Ti nababa, ad-adda a naibabbaba.
Ti ketdi kinaay-ayda ti ad-adda a bimmilegan ni E.
Ket dagiti rimat dagiti lampitaw, naisab-it iti amin a suli ken ginget ta kuna ni E, ti nalawag ti kaipapanan ti kinaragsak a kaipapanan met ti biag.
NASAKSIAN amin daytoy dagiti linnaaw, pussuak, arbis, bayakabak. Inkeddengda a riingen ti taaw a nakaul-ulimek. Ta narugnay daydi rangtay a daga tapno mapagsisina dagiti tunggal puro para iti bukodda nga umili nga addaan iti kabukbukodan a kurditan, samiweng ken talugading a mangamiris iti naimbag para iti bukodda a pagimbagan.
Ta ania koma ti bileg daytoy a didiosen no bilinen ti baybay dagiti dalluyon tapno in-inutenda nga itakdang ti apgad ket masamal ti sangkapuroan?
Saan ketdi. Adda bukod a wagas ti danum. Kabaelanna a layusen ken layusen ti puro agingga a silalamolamo laengen daytoy. Umang-anges ketdi. Ken nadadaeg iti isisirip ti Daya.
Idinto a ni E, sinuot dagiti dalluyon ti bilegna. Kalpasanna, naitakdang a silalamolamo. Ken saanen nga umang-anges.
ARIEL S. TABAG
(Naka-justify koma.)
Kastoy met laeng dagiti umili daytoy puro a mangnamnama iti parabur ti taaw.
Dida impagarup nga impasngay dagiti dalluyon ti diosa ti taaw— nupay binulod dagiti matana ti balbag ti tangatang; idinto a ti buokna, ti ginget dagiti bakir: datdatlag ngarud ti pettat nga ilulutuad ti didiosen a nangyam-ammo iti bagina kas E iti aplaya ta iwaragawagna nga inyula dagiti elektroniko a bituen. Ngem ad-adda a nakadatdatlag ti mabalin a panagawaawen ti bileg dagiti didiosen wenno naisangsangayanen ti kabaelan dagiti gagangay a tao, ayup ken ikan. Ta agpapadan dagiti parsua malaksid kadagiti bisti ken batek.
Paneknekan ni E ti bilegna babaen ti panangpaltuadna iti baybay kadagiti nadadaeg a ramit. Sakbayna, agbayakabak iti pirak ken amin a ganggannaet a ramit ket isalamangkerona nga iserrek kadagiti boksit— inton agsasaruno dagiti tig-ab, agturong dagiti pirak ken ganggannaet a ramit iti pispis ken kuppokuppo. Ikannawag ni E a dagiti nadadaeg a ramit ti manglinglingay kadagiti kunana nga ulila nga aplaya ken sumsumga nga away. Kinadatdatlag manen ti pannakaanamong dagiti binalikasna.
Ad-adda a mangdurog dagitoy a ramit ni E. Ti naragsak, ad-adda a pinaragsakda. Ti naliday, ad-adda a pinalidayda. Ti narugso, ad-adda a rimmugso. Ni pang-aw, ad-adda a pimmang-aw. Ni nasam-it dagiti balikasna, nagsabong iti nagraraay dagiti dilana. Ti agmaymaysa, ad-adda a nailanglangi. Ti nababa, ad-adda a naibabbaba.
Ti ketdi kinaay-ayda ti ad-adda a bimmilegan ni E.
Ket dagiti rimat dagiti lampitaw, naisab-it iti amin a suli ken ginget ta kuna ni E, ti nalawag ti kaipapanan ti kinaragsak a kaipapanan met ti biag.
NASAKSIAN amin daytoy dagiti linnaaw, pussuak, arbis, bayakabak. Inkeddengda a riingen ti taaw a nakaul-ulimek. Ta narugnay daydi rangtay a daga tapno mapagsisina dagiti tunggal puro para iti bukodda nga umili nga addaan iti kabukbukodan a kurditan, samiweng ken talugading a mangamiris iti naimbag para iti bukodda a pagimbagan.
Ta ania koma ti bileg daytoy a didiosen no bilinen ti baybay dagiti dalluyon tapno in-inutenda nga itakdang ti apgad ket masamal ti sangkapuroan?
Saan ketdi. Adda bukod a wagas ti danum. Kabaelanna a layusen ken layusen ti puro agingga a silalamolamo laengen daytoy. Umang-anges ketdi. Ken nadadaeg iti isisirip ti Daya.
Idinto a ni E, sinuot dagiti dalluyon ti bilegna. Kalpasanna, naitakdang a silalamolamo. Ken saanen nga umang-anges.
ARIEL S. TABAG
(Naka-justify koma.)
Comments
Post a Comment