ARIEL SOTELO TABÁG

Dagiti Samiweng ti Angin Sarita ni ARIEL S. TABAG “O naraniag a bulan, un-unnoyko imdengam/ Dayta naslag a silawmo, dimo kad’ ipaidam…” Nagallangogan ti nagkayammet a timek dagiti agtutubo ken ti natinggaw nga aweng ti banduria iti puseg ti Gullasing. Inlili ti samiweng dagiti nagkurno a dawa iti abagatan sa nagkamang iti barukong ti bantay ken bakir. Naginiin daytoy a nangsurot iti anasaas ti karayan iti amianan a nangbeltak iti patag ti Namunit ken Tuyo iti amianan a laud. Naipallais iti deppaar ti Masi iti laud a nagrikudo kadagiti pantok ti turod ken kaniogan. Sa nakitimpuyog kadagiti riari ken kuriat a nanglallay kadagiti ayup ken tumatayab iti kabakiran iti daya. Umanayen ti simmagaysay a bulan a kabadang ti tallo a tambubong a nangsilnag kadagiti bumario iti arubayan da Tata Idot a panguluen. Iti tallaongda a nasurok a sangapulo nga agtutubo a nanglikmut iti dua nga alsong a pakabaybaywan ti nakilnet a kahoy ken banoog a diket ken bugbugtong a tambubong, mapattokan iti kantiaw k...

isem limmansad nalamiis a nakem gumilgil-ayab * * * alli-allinen angin puon ken bulong nalupoyen ti amin * * * dagat' agriaw, agsangit agam-ammangaw riingenna ti langit * * * agkarkaradap panagem iti lubong gumilgil-ayab * * * naynay a pasungadak isem ni bituen 'toy nalidem a siudad * * * sipnget, lamiis ugasanyo ti lubong pudot ken rugit * * * nalabon a papait pasingdatenna bennal a sangkabassit * * * domingo manen kaduamon a pimmanaw kalman, panawen * * * kawayan agdaydayyeng ipalagipna samiweng ti kutibeng

PAMMADAYAW PARA ITI BANNAWAG. Dagiti kameng ti Bannawag iti panangawatda iti “Lifetime Achievement Award” para iti Bannawag manipud iti Gawad Tanglaw iti seremonia a naangay idi Marso 17 iti St. Dominic College of Asia. Agpakanawan: Poetry & Entertainment Editor Ariel S. Tabag, Managing Editor Cles B. Rambaud, ken Literary Editor Juan Al. Asuncion. Iti panagsarita ni Rambaud iti seremonia, kinunana a saan laeng a para iti Bannawag ti nasao a pammadayaw no di pay ket kadagiti amin nga Ilokano a mangipatpateg iti arte ken kulturada. (Rinetrato ni Manny Llanes) “Lifetime Achievement Award” para iti Bannawag Naipaay itay nabiit iti Bannawag ti “Lifetime Achievement Award” manipud iti Gawad Tanglaw, gunglo dagiti mangisursuro kadagiti kolehio ken unibersidad iti Kamanilaan. Inawat dagiti kameng ti Bannawag ti medalia ken sertipiko bayat ti seremonia ti pammadayaw a naangay iti St. Dominic College of Asia iti Bacoor, Cavite idi Marso 17. Kadua ti Bannawag a nakaipaayan ti “Lifetime Achie...

Ni Errol L. Abrew ti Caba, La Union ti nangidaulo kadagiti nangabak iti daniw ken salaysay iti maika-13 a pasalip ti Abuan-Valdez Awards for Iluko Literature (AVAIL). Impangabak ni Abrew ti daniwna a “Bilin” ken salaysay a “Tapno Maipakat ti Urnos ken Kappia, Tangken-Sagat ti Masapul, Atanud.” Dagiti dadduma a nangabak iti daniw: Rolando A. Seguro, Jr. ti Bulo, Allacapan, Cagayan, Maika-2, iti daniwna a “Munson;” Elmer L. Lopez ti Brgy. 19, San Lorenzo, San Nicolas, Ilocos Norte, Maika-3, “Kararua ti Puli;” Efren A. Inocencio ti Siudad ti Batac, Maika-4, “Katikek Man ti Kutibeng;” ken Mario Adelmo P. Cabreros ti 110 Pook Pag-asa, Batasan Hills, Quezon City, Maika-5, “Ti Ilokano”. Naghurado iti daniw da: Poetry Editor Ariel Tabag ti Bannawag; Publisher-Editor Guillermo I. Concepcion ti Vigan Chronicle; ken Barangay Secretary Rogie C. Baysa, retirado a Postmaster ti Alicia, Isabela. Iti salaysay, maikadua ni Jobert M. Pacnis ti Ammubuan, Ballesteros, Cagayan, “Mangrugi Koma iti Pagtaenga...

031111 agtektekkab kalsada nangisit tao matikaw ti kararua * * * FORSAKEN TI DREAM THEATER agur-urayak rinabii siaanus sakbay ti derraas * * * naktangan daga iti riwriw a riro yab-abagana * * * ti lubong, mangrittuok tapno agsubli ngayed, anag, indurog * * * maris ti rosas waknitanna ti angep laminat' imnas * * * ay umanayen a liwliwat' rabii lagip ti isem * * * binirbirokka siudad dagiti silaw ay, nagrimatka * * * matnag sampaga lagaek nga ikamen aginanaka * * * pettat a yaay timmayab puso, rikna natulidak, ay! * * * agayus ditoy urat pangngarig ti biag baliksen daytoy dilak * * * bulong ti saleng naynay a mangpayapay lagip ‘di isem * * * arbis ‘ti malem limmabas iti angep ila layusem * * * tunggal kanito segseggaan dakulap o paraiso * * * aldaw nagngudo diak natiliw ti mutia patgek a haiku * * * daliasatek rabii mangnibinibi makitak kad' 'ta sudi? * * * sika a layap limmabaska't dakulap apagdarikmat * * * agpasurongak bumanesbes daytoy bus makaturogak * * * ...

Pasay City – The Literary Arts Division of the Cultural Center of the Philippines (CCP) will launch Ani 36 on April 1, 2011, 7:00 p.m. at the CCP promenade. Ani is a publication that showcases the varied literary traditions in the country and the vibrant creative writing by Filipinos in other parts of the world. Ani 36, themed Disaster and Survival, has sections on prose, poems, children's literature, an essay on a CCP activity in response to a disaster in the regions, and art reviews. The art reviews section is composed of three winning essays in a competition spearheaded by the Liongoren Gallery at the CCP dubbed Walong Filipina 2010: Sa Ngalan ng Kalikasan III from October 14, 2010 to November 28, 2010. Works outside the issue's theme are in the section titled “Malayang Haraya”. “Ani 36 mirrors the writers' reflections on and responses to experiences in confronting disasters,” says Herminio S. Beltran, Jr., Literary Arts Division Director. “Although the works express unt...

Sangapulo a mannurat nga Ilokano, wenno Gumiliano ken Gumiliana, ti karaman iti Tagnawa 2011, antolohia dagiti napili a sarita dagiti Ilokano, a proyekto ti GUMIL Filipinas. Maipablaak iti sistema ti tagnawa, laonen ti libro dagiti sarita a nangtratar iti kultura wenno kannawida ni Ilokano. Manamnama a mayalnag ti libro bayat ti Maika-43 a Kombension Nasional ti GUMIL Filipinas, pagtitinnulongan nga editen daytoy da Bannawag Literary Editor Juan Al. Asuncion, Joel B. Manuel a maysa a principal ti pagadalan sekundaria iti Banna, Ilocos Norte, ken Ariel S. Tabag a pangulo ti Editorial Committee ti GF. Dagiti sumaganad ti autor a nairaman iti proyekto: Federico Ilac Jr. (“Idi Agawid ni Ka Marta”), Francisco T. Ponce (“Ti Ayat ni Loreta”), Mancielito S. Tacadena (“Antokoy, Para Mayor”), Vicenta P. Palcong (“Dagiti Arapaap ni Lakay Belong), Ben Pacris (“Apo Annu, Ma-king”), Julio V. Belmes (“Ti Ated”) Jake F. Ilac (“Ti Payong”), Freddie Pa. Masuli (“Ti Lubong ni Catalina”), Jovito F. Amori...

100% Rice coffee. No caffeine. Organic Rice. Bang-ina latta ti napakset a bagas. Apagisu a lumtaw ti nanamna no malaokan iti brown nga asukar. Manipud iti Brgy. Sinamar, Banna, Ilocos Norte. Daytoy ti bambanatak ita bayat ti panangileppasko iti 5 pay a pakaseknan.

DI PAY NALUTO, NAIBUSEN Ni ANGELO 'ELOY' PADUA' Naipablaak iti Bannawag, Marso 21, 2011 Ti Sarsuela Maipanggep iti Dua a Bannuar a Babbai MAIPANGGEP iti kinalaing nga agkanta dagiti Ilokano ti imbambandodatayo kadagiti napalabas a bilangtayo, Kabagis, Ita, ti met laingda iti akting. Adda padamag ni Kabagis FREDDIE G. LAZARO a taga-Ilocos Sur. Siempre, no ibagam ti Ilocos Sur ken akting, sarsuela ti damo a sumrek iti panunotmo. Di kadi, Kabagis? Adtoy man ti surat ni Kabagis Freddie: “Iti sabali manen a gundaway, naipamatmat manen ti bileg ni ayat para iti panakasaluad ti biag ken tawid.” Daytoy ti kangrunaan a bugas ti sarsuela a napauloan iti “Babae ng Digmaan” nga improdius ti gobierno ti siudad ti Vigan nga idauluan ni Mayor Eva Marie Singson-Medina babaen ti panangurnos ken panangidirihe da mabigbig a mannurat ken kompositor Sonny Cristobal ken Ato Del Rosario. Dagiti met agkakalaing nga artista iti Sarsuela Ilokana iti probinsia ti Ilocos Sur ti nagakem. * * *...

Mabalinen ti agenrol iti espesial a kurso nga Iloko Creative Writing nga idiaya ita a kalgaw ti Don Mariano Marcos Memorial State University-Open University System (DMMMSU-OUS) iti Siudad ti San Fernando, La Union. Impakaammo daytoy ni Dr. Remedios M. Corpuz, direktor ti DMMMSU-OUS, a nagkuna pay a silulukat daytoy a kurso para kadagiti agkalikagum a mangasa iti laingda nga agsao ken agsurat iti Iluko (Iloko, Ilokano), nangruna dagiti mannursuro kadagiti pagadalan iti elementaria. Inlawlawag ni Dr. Corpuz a maysa kadagiti leksion a maisuro ti maipapan iti gramatika Iluko. Malaksid itoy, maisuro pay no kasano ti agputar iti daniw ken sarita a para ubbing, agraman ti ababa a saribitniw (sarita, bitla, daniw a napagtitipon), maysa a porma ti literatura Iluko a makaparay-aw a buyaen no mayentablado. Maangay dagiti klase iti malem ti tallo nga agsasaruno a Sabado ti Abril 30, Mayo 7 ken 14. Ket amin nga agturpos, maikkandanto iti sertipiko a kapadpad met la ti diploma. Para iti dadduma pay ...

iti porma laeng a haiku wenno haiga dagiti sumaganad (palusot). inusarko daytoy a porma tapno nasiken a maipakaammok met ti marikrikna ken mapampanunotko kadagiti gundaway a magmagna wenno nakaluganak-- daytay estado nga adda kayatmo nga aramiden ngem limitadoka; wenno tay kanito nga adda marikriknam para iti maysa a tao a dimo met madagdagus a maipakaammo. ken pammaneknek a siak, awatek ti ania man a wagas a nalaka ken nawaya ken nabatad a maipakammo ti marikrikna wenno mapampanunot. itoy a gundaway, agsinnublat ti 5-7-5 (hapon) ken 7-5-7 (filipino) a rukod. pammaneknek met a japanese style wenno filipino style man dayta, kasla agduduom laeng iti mani ni ilokano. inawagak iti haikuloko ta haiku iti iloko. mabalin met a gapu ta sablay a haiku-- isu a haikuloko. :-) DAN-AW TI PAOAY rabaw ti dan-aw nagsarming ti tangatang nakitak rupam -- ay, dakkel-danum adda iti kaunggam ti agnanayon * * * DUOGAN A NUANG yanud karayan rurog ken kinalangto aginanat' nuang * * * AGE...

Immaboten iti nasurok a P35 a milion ti naur-or iti “Tulong Barya Para Sa Eskwela” (TBPSE) a programa ti Department of Education (DepEd) ken ti Bangko Sentral ng Pilipinas (BSP). Segun iti DepEd, usarenda ti nasao a gatad iti panangbangon kadagiti siled-pagadalan ken dadduma pay a pasilidad ti eskuelaan. Ti TBPSE ket paset ti national coin recirculation program ti BSP, a gagem a mangurnong kadagiti sensilio, a kas iti P10, P5, P25 para iti pagimbagan ti edukasion iti pagilian.

DI PA NALUTO, NAIBUSEN Ni ANGELO 'ELOY' PADUA Amianan Talent WEN, Amianan Talent ti pangawagtayo kadagiti itandudotayo a talento. Saan a Talentadong Ilokano laeng. Uray pay dagiti kakabagistayo a Pangasinan, Ibanag, Ibaloi, Kankanaey, Ifugao, Gaddang, Itawes ken dadduma pay. Amin a taga-Amianan nga entertainer, kumakanta, mannaniw, artisano, sarsuelista, musiko, welcome ditoy kolumtayo. Masapul a maipakaammo iti Filipinas, ken sadino pay a paset ti lubong a dumanonan daytoy magasintayo, nga iti Amianan a Filipinas, wenno dagiti tubo iti dayta a disso, aglaplapusanan iti talento. Di ketdin, Kabagis? * * * Iti maysa nga ili iti Amianan, mano ti mapatanorna a kumakanta, a musiko, nga aktor iti entablado? Di man isu amin a dinakamattayo ket adda iti maysa nga ili. Ngem adda latta tumanor a naisangsangayan nga anakna. Iti Pinili, Ilocos Norte laengen, nakapatanoren kadagiti nalalatak a nagan iti tay-ak ti kinaagiwarwarnak, militaria, politika, literatura, musika. Ita, adda m...

Ne, ta nairaman met daytoy ing-ingutek la unay a Bannawag kadagiti padayawan ti 9th Gawad Tanglaw. Sabalinto man a post no apay. Kabayatanna, maangay ti awarding daytoy a Gawad TANGLAW wenno Gawad Tagapuring mga Akademisyan ng Aninong Gumagalaw inton Maso 17 iti St. Dominic College of Asia in Bacoor, Cavite. Kompleto a listaan ti 9TH Gawad TANGLAW winners: Best Films • Presa • Sa 'Yo Lamang • Tarima • Donor • Sigwa Best Directors • Adolf Alix, Jr., - Presa • Neal "Buboy"Tan - Tarima • Mark Meily - Donor • Laurice Guillen - Sa 'Yo Lamang • Joel Lamangan - Sigwa Best Actresses • Tetchie Agbayani • Ina Feleo • Liza Lorena • Perla Bautista • Daria Ramirez • Rosanna Roces • Jodi Sta. Maria • Anita Linda Best Actors • Coco Martin - Noy • Fanny Serano - Tarima Best Supporting Actors • Rocky Salumbides - Muli • Joem Bascon - Noy Best Supporting Actresses • Gloria Romero - Tarima • Rustica Carpio - Tarima Best Cinematography • Dalaw • Noy Best Editing • RPG Metanoia B...

(ti naduktalak itoy panangpadaspadasko nga agsurat iti adda bilangna, makasursuro a mangpasiken iti linia ken mangpasingdat iti imahe) berso iti marso 6-- ken apaglabesna bassit anasaas ti baybay im-imdenganka iti sirok salaysay * * * nasipngeten ti malem puraw a sarming narigat a bettaken * * * ket nagkidemak lidem malaksid isem nakarimrimat * * * kulibangbang immagep iti sampaga ungkay nagarigenggen * * * nailibay nga away apo, lumabasak pay siak nga agdaldaliasat agturong iti siudad di matmaturog uray rabii agtartaray * * * duduogan a dungon saksit' agrusing langto iti parbangon

Iti panangrambak ti Cagayan iti Nailian a Bulan ti Arte “Dumidinallot, Dumidinallang!” Da AILEEN R. RAMBAUD ken LUDILYN ELY F. BRAVO MARAMRAMBAKAN ti Pebrero a kas Nailian a Bulan ti Arte a kas ituyang ti Proklamasion Presidensial 683 a naipaulog idi 1991. Naisentro ti selebrasion iti pannakaitandudo ti kultura ken arte ti pagilian tapno mapabileg ken maisaknap ti kinamanagparnuay ken imahinasion ni Filipino iti naintimpuyogan a wagas. Pinarungbo ti National Commission for Culture and the Arts daytoy a selebrasion idi 2009 ket naaw-awagan iti Philippine International Arts Festival. Nabirngasan daytoy a piesta iti “Ani ng Sining” a nagbalin a pammaneknek iti napaglilinnaga a saguday ti arte ken kultura a nangted pay iti naidumduma a panangsaripatpat ti pannakayebkasna. Kas paset ti napasnek a pannakaparang-ay ti arte ken kultura iti probinsia, tinawen a rambakan ti Cagayan babaen ti Cagayan Museum and Historical daytoy a pasken. Mamati ti probinsia a babaen dagiti kakastoy a gannuat, ma...

AGGAY, TI MAINGEL ITI CAGAY-AN #1 Nobela ni ARIEL S. TABAG Inladawan ni LOUIE CELERIO Gapu ta dandanin aggibus, in-inutek man nga ipaskil ditoy daytoy nobelak a komiks, ti "Aggay, ti maingel iti cagay-an". Diak pay la bukod nga idea daytoy a nobela-- napagtitinnulongan gapu iti ayat a makapanunot iti karakter a pumatok kadagiti reader. Inton sumaruno, barbareng no maaprobaranen 'tay maysa a karakter nga in-inawek ken agbibiag iti agdama-- tay-ak nga iti panagkunak, maikkak iti naan-anay a hustisia. Kabayatanna, adtoy ti pannakidangadang ni Aggay kadagiti langgong idi panawenda:

Impakadak ken ni Apo Angelo ‘Eloy’ Padua ket nayat nga ipaskilko ditoy ti linawas a kolumna iti Bannawag. No apay a kayatko, gapu ta ipromotna kano dagiti talent iti Amianan, siempre, kangrunaan dagiti Ilokano. Wen gayam, ni Apo Eloy ti putot daydi Apo Art “Malutluto Maib-ibus” Padua. Isu a kasta ti paulo ti kolumna. Kasla idolona la unay daydi tatangna. Tinawidna pay ti kina-presidente ti Famas :-) Asino ti Sumaruno kada Maria ken Charice? NANANAM nga orasyo, Kakailian. Sapay koma ta mayat latta ti saadna. Sakbay ti amin, kablaawanmi man amin a kameng dagiti pamilia Aragon iti Amianan. Wen, a, ta bayat ti pannakasursurat daytoy, buybuyaenmi met ti panagkanta ni Maria Lourdes Aragon iti programa ni Ellen Degeneres— babaen ti Youtube. Ayna, ta naglaing man nga ubing daytoy. Kasla putotmi met lattan a ta 10 aniosna laeng. Wen, adda atapmi nga adda darana nga Ilokana. Nasimgat a kayumanggi ni Maria Lourdes. Isu a masagid ta masagid met ti riknami. * * * Kaano laeng a naipadamag ng...

NAIPABLAAK DAYTOTY ITI MARSO 7, 2011 A BILANG TI BANNAWAG: Manipud iti Editor ITI panid 10, mabasatayo ti maysa a daniw iti Pangasinan, maysa kadagiti adu a lengguahe iti Amianan, ken ti patarus daytoy iti Iluko. Panangirubuat daytoy iti pannakayam-ammo dagiti mannurat iti Amianan (malaksid dagiti Ilokano) ken dagiti daniwda iti bukodda a lengguahe a kas maysa nga addang a pangitandudo met kadagitoy a pagsasao. Iti biangtayo nga Ilokano, mapadasantayo met ita a mangngegan ti aweng dagitoy a lengguahe, ken babaen ti patarus dagitoy a daniw, makipasettayo met iti an-anek-ek, ar-arapaap, ken pampanunot dagitoy a kakabsat a mannaniw. Matakuatantayo met a no kasano ti mariknatayo iti ditay pannakaawat iti lengguahe dagitoy, kasta la ketdi met ti rikna dagiti di makaawat iti lengguahetayo nga Iluko wenno Ilokano. Matakuatantayo met ngarud nga awan ti nababa wenno nangato a lengguahe; nga agpapada dagitoy a makabael a mangipeksa iti adda iti kaunggan ti pusotayo. Ngarud, mapatan-ay iti tungga...