HAIKULOKO (03/8-10/11)

iti porma laeng a haiku wenno haiga dagiti sumaganad (palusot). inusarko daytoy a porma tapno nasiken a maipakaammok met ti marikrikna ken mapampanunotko kadagiti gundaway a magmagna wenno nakaluganak-- daytay estado nga adda kayatmo nga aramiden ngem limitadoka; wenno tay kanito nga adda marikriknam para iti maysa a tao a dimo met madagdagus a maipakaammo.

ken pammaneknek a siak, awatek ti ania man a wagas a nalaka ken nawaya ken nabatad a maipakammo ti marikrikna wenno mapampanunot.

itoy a gundaway, agsinnublat ti 5-7-5 (hapon) ken 7-5-7 (filipino) a rukod. pammaneknek met a japanese style wenno filipino style man dayta, kasla agduduom laeng iti mani ni ilokano.

inawagak iti haikuloko ta haiku iti iloko. mabalin met a gapu ta sablay a haiku-- isu a haikuloko. :-)



DAN-AW TI PAOAY

rabaw ti dan-aw
nagsarming ti tangatang
nakitak rupam
--
ay, dakkel-danum
adda iti kaunggam
ti agnanayon

* * *

DUOGAN A NUANG

yanud karayan
rurog ken kinalangto
aginanat' nuang

* * *

AGEK TI ALIMBUBUYOG

agek alimbubuyog
iti sampaga
ungkay nagpalpallayog

* * *

ITI SIROK SALAYSAY

anasaas ti baybay
im-imdenganka
iti sirok salaysay

* * *

AY, NAGRUPSAN TI BAGBAG

nagrupsan nalabaga
ken amarilio
ngem, ay, rinnupak latta

* * *

NALABAGA A DAGA

urat ti puli
pimsuak nagayus dara
malmes ti ili

* * *

ay, ariwanas
isagutmo kad' lawag
di manasanas

* * *

agmaymaysaak
nalam-ek a parbangon
agdaldaliasat

* * *

agung-ungor dalluyon
agisubsubli
riniwriw a sabidong

* * *

umab-ababa
ti biag, umat-atiddag
nagbaetanta



(p.s. mabalinkon nga ibaga nga adda sangaribu a haikuk-- 990 pay ti di nasurat.)

Comments

  1. remy44March 10, 2011 at 5:19 PM

    haha, napintas ading... go for it... siak ket addan 10 nga haikuk ngem maisurat to pay laeng hehe.

    ReplyDelete
  2. ASTMarch 25, 2011 at 8:46 PM

    haha, thanks, manang. ita laeng a nakitak toy comment-mo. reprepasuek dagitoy nasuratko ket hm, aduda met gayam a sablay.

    :D

    ReplyDelete

Post a Comment

Popular posts from this blog

VOICE TAPE

Image
VOICE TAPE   Kuwento ni ARIEL SOTELO TABÁG (Updated Version) Photo credit:  ask.metafilter.com NITONG pinakahuling bakasyon ko sa bayan kong Santa Teresita sa Cagayan, nanariwa ang alaala ko labingwalong taon na ang nakararaan—iyong taon na may nangyari kay Tito Ato, ang kapatid ni Nanay na sumunod sa kaniya.   Noong hinahanap namin ni Nanay ang mga sertipiko ng mga awards ko sa elementarya at hayskul para magamit ko bilang pampakapal ng credentials ko bilang titser sa Maynila, may ‘ibang bagay’ pa kaming nahanap.   Sabi ni Nanay, inilagay niya ang mga sertipiko sa lumang envelope bag na may markang LA na napanalunan niya sa pagkaskas ng balat ng nasabing brand ng sigarilyo. Nang mahanap at mabuksan namin ang bag, wala ang mga sertipiko.   Iyon   pala, nakarolyo at nakasilid ito   sa isa sa apat na piraso ng buho na pinaglagyan ni Nanay ng aming birth certificate . (Tatlo lang kaming magkakapatid at hindi na sila sumagad sa...
Adda pay nayonna

ARIEL SOTELO TABAG

Image
ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999) ...
Adda pay nayonna

KARAPOTE (UDPATED)

KARAPOTE (KAPORRITI) Sarita ni ARIEL SOTELO TABÁG   NAYANAKAK a suni. Wenno immun-una dagiti sakak a rimmuar ngem ti ulok idi ipasngaynak ni nanang. Dayta ti kuna da nanang ken Lilang Balling, ti baket a mangngilut ken lumulualo a nangpaltot kaniak. Isu kano nga adda bileg dagiti dakulapko. Aprosak laeng ti tengnged a naitdalan— daytay nasiitan iti karabukob—dagus a sumuroten ti siit iti maminsan laeng a panagtilmon.   Manmano kano ti kas kaniak. Isu a nagasatak kano—nga isu met ti panagkunak. Mapatangam la ketdi dagiti addangmo, awanen ti nagasgasat ngem sika, kinuna ngarud ti naam-ammok a lakay a mammalad naminsan a naipasiarak iti kabangibang nga ili. Adda ketdi daydi dinakamatna a nasuerte met a padak ngem diakon malagip.   Ngem mamatiak iti kinuna ti lakay. Siguradoak a kasingin dayta ti kinalaingko a mangngilut wenno mammullo. Adu ti kalugarak nga umanamong iti dayta.   Naminsan, awan pay sangapulok idi, naluspiko ni tatang bayat ti panagar-ar...
Adda pay nayonna