KALGAW 2011: PATARUS A SAMIWENG

Iti Dayta a Lapsat
(Patarus wenno ad-adda nga interpretasion iti "Just the Way You Are" ni Bruno Mars. Mangngeg ditoy.


O dagiti matana
Awan pangatiw rimat dagiti bituen
‘Diay buokna
Nagmayat man ‘ta lugayna, gyem

Nakapimpintas
Inaldaw ibagak kenkuana

Ala, isu no isu
No kasta a dayawek
Dinak patpatien
Ket anian, anian
Aglidayak ta dina makita ti makitak

Ngem no saludsodenna no kasanot’ lapsatna
Kunak

No makitak ta rupam
Awan pulos ti kayatko a baliwan
Ta naisangsangayanka
Iti dayta a lapsat
Ket no umisemkan
Agsardeng ti lubong ket matmatannaka
Ta, bebe, naisangsangayanka
Iti dayta a lapsat

Dayta nay bibig
Uray agkak nga agmalmalem no kayatna
Dayta a katawa
Tiptipdenna ngem kaykayatak met

Ket nakapimpintas
Inaldaw nga ibagbagak kenkuana

Ay, ngem ibagak manen, Dungngo
Diak dinawat nga agbaliwka
No kayatmo a napintaska iti uray la
Kastanan ta lugaymo, Bebe

Isu a dimon salsaludsoden
No nalapsatka
Ta ibagak kenka

No makitak ta rupam
Awan pulos ti kayatko a baliwan
Ta naisangsangayanka
Iti dayta a lapsat
Ket no umisemkan
Agsardeng ti lubong ket matmatannaka
Ta, bebe, naisangsangayanka
Iti dayta a lapsat

Iti dayta a lapsat
Iti dayta a lapsat
Bebe, naisangsangayanka
Iti dayta a lapsat

No makitak ta rupam
Awan pulos ti kayatko a baliwan
Ta naisangsangayanka
Iti dayta a lapsat
Ket no umisemkan
Agsardeng ti lubong ket matmatannaka
Ta, bebe, naisangsangayanka
Iti dayta a lapsat



Ti Napanawan
(panangiyalison iti "Forsaken" ti Dream Theater. Denggen daytoy iti Youtube


Iti naminsan
Impagarupko a nailibayak
Naidasay iti uneg ti tagainep

Sa pettat a bimmangon
Nakariknaak iti nalamiis a sang-aw
Nakalamlamuyot ti arasaasna

Sika, napanawan,
Umayak kenka ita a rabii
Agriingka
Perngennak ket iggamam ti imak
Italekmo ta bagim kaniak

Nasaem ti panagurayko
A sumangbay manen ti rabii
Tapno agulimek ti aliaw iti kaunggak

Manipud iti nasin-aw a linnaaw
Nakariknak ti makasilud nga agek
Ket nakitak ti nalabaga a mansa kadagiti bibigna

Masapul nga ammuek ti naganmo
Sadin' ti nakakitaak iti langam?
Dika agbuteng, dungngo

Sika, napanawan,
Umayak kenka ita a rabii
Agriingka
Perngennak ket iggamam ti imak
Italekmo ta bagim kaniak

Ipannak iti adayo

Agkidemka
Agtalekka ket dumanonta
Kadagiti rangkis ti lubong

Sika, napanawan,
Umayak kenka ita a rabii
Agriingka
Perngennak ket iggamam ti imak

Sika, napanawan,
Agtayabta ita a rabii
Agriingka
Pabaruem ‘toy biagko
Itan, kukuaka
Italekmo ta bagim kaniak




Ti Nagbaetan
(Patarus iti "The Distance" ti Evan and Jaron. Mangngeg iti Youtube

Napukaw ti tangatang ti marisna
Nagbalinen a dapuen ti init
Dayta, a, ket panagriknak laeng
Tunggal addaka’t adayo
Agkunikonak iti suli
Bayat panangbuyak ilalabas ti kanito
Tunggal bitek, yasidegnak
Iti panawen ti panagsublim

Diak masbaalan ti nagbaetan
Diak masbaalan dagiti minilmilia
Diak masbaalan ti panawen agingga a makitak manen ta isem
Diak masbaalan ti nagbaetan
Ket diak mabain
Nga iti tunggal yaanges, aw-awagak ta naganmo

Ngem diak masbaalan ti nagbaetan

Mamatiak latta itoy riknak
Ngem no dadduma, nakarungrungbo la unay
Ta patiek nga addaka la’t asideg
Ngem saan nga umdas a kaasideg
Adayo iti kalikagumak a kaasideg

Diak masbaalan ti nagbaetan
Diak masbaalan dagiti minilmilia
Diak masbaalan ti panawen agingga a makitak manen ta isem
Diak masbaalan ti nagbaetan
Ket diak mabain
Nga iti tunggal yaanges, aw-awagak ta naganmo

Lasatek ti gil-ayab, lasatek ti bayakabak
Aramidek ti amin tapno laeng addaak dita sibay
Diak masbaalan ti nagbaetan

Daliasatek ti nagbaetan
Daliasatek dagiti minilmilia
Kasta ti kapategmo kaniak

Ta diak masbaalan ti nagbaetan
Diak masbaalan dagiti minilmilia
Diak masbaalan ti panawen agingga a makitak manen ta isem
Diak masbaalan ti nagbaetan
Ket diak mabain
Nga iti tunggal yaanges, aw-awagak ta naganmo

Narigat ti manglagip
Bayat ti kaawanmo
Daytoy laeng ti wagas
Tapno siak ti maandingay