Apay nga Awan ti “Kumpay”?
Nauppapaykami ta dimi nabirokan ti nobela a komiks a “Ti Bassit a Kumpay ni Patay” iti Bannawag, Nob. 9 a bilang.
Dimi met mabirokan ti sarita a “Ni Saltek ken ti Ipusna nga Atiddog” ni Jovito F. Amorin iti panid 24, kas nailanad iti listaan ti linaon ti magasin. Nakitami ketdi ti baro a komiks a napauluan iti “Ti Pakasaritaan ni Sarah Dabucon”. Ngem naulit ti isu met laeng a komiks iti panid 26 ken 27.
Ania ti napasamak?
--OSWALD A. VALENTE
Brgy. Comcomloong
Currimao, Ilocos Norte
(Nagsakit ti dibuhista ti “Ti Bassit a Kumpay ni Patay” a ni Apo Jun Lofamia isu a dina naikamakam dagiti dibuho wenno illustration ti nasao a nobela a komiks. Inkarina a dinton agsaksakit. Mainaig iti sarita ni Apo Amorin, uray dakami, nakigtot met ta idi maikkankami iti nasao a kopia ti Bannawag, awan metten ti sarita ni Apo Amorin iti panid 24 ken 25 a naituding a pagparanganna. Nakitami ketdi ti komiks a “Ti Pakasaritaan ni Sarah Dabucon” idinto nga iti laeng panid 26-27 ti pagparanganna koma, kas intuding ti Advertising Dept. Nalawag ngarud a manipud iti pannakaipatulod ti mayimprenta a Bannawag manipud iti kompiuter ti Layout Artist agingga iti pannakaisagana ti magasin tapno mayimprenta, adda biddut a napasamak. Nupay saanen a maseknan ti Editorial itoy a naaramid, agpadispensarkami iti napasamak ket mangnamnamakami iti kari dagiti maseknan a dinton maulit pay daytoy. –Editor.)
Bannawag, Nobiembre 16, 2009, "Ti Makunami", p.9.
Dimi met mabirokan ti sarita a “Ni Saltek ken ti Ipusna nga Atiddog” ni Jovito F. Amorin iti panid 24, kas nailanad iti listaan ti linaon ti magasin. Nakitami ketdi ti baro a komiks a napauluan iti “Ti Pakasaritaan ni Sarah Dabucon”. Ngem naulit ti isu met laeng a komiks iti panid 26 ken 27.
Ania ti napasamak?
--OSWALD A. VALENTE
Brgy. Comcomloong
Currimao, Ilocos Norte
(Nagsakit ti dibuhista ti “Ti Bassit a Kumpay ni Patay” a ni Apo Jun Lofamia isu a dina naikamakam dagiti dibuho wenno illustration ti nasao a nobela a komiks. Inkarina a dinton agsaksakit. Mainaig iti sarita ni Apo Amorin, uray dakami, nakigtot met ta idi maikkankami iti nasao a kopia ti Bannawag, awan metten ti sarita ni Apo Amorin iti panid 24 ken 25 a naituding a pagparanganna. Nakitami ketdi ti komiks a “Ti Pakasaritaan ni Sarah Dabucon” idinto nga iti laeng panid 26-27 ti pagparanganna koma, kas intuding ti Advertising Dept. Nalawag ngarud a manipud iti pannakaipatulod ti mayimprenta a Bannawag manipud iti kompiuter ti Layout Artist agingga iti pannakaisagana ti magasin tapno mayimprenta, adda biddut a napasamak. Nupay saanen a maseknan ti Editorial itoy a naaramid, agpadispensarkami iti napasamak ket mangnamnamakami iti kari dagiti maseknan a dinton maulit pay daytoy. –Editor.)
Bannawag, Nobiembre 16, 2009, "Ti Makunami", p.9.
Comments
Post a Comment