NCCA, nangmiting iti San Nicolas, I.N.
Naangay idi Okt. 12 ti Regional Indicative Impact Assessment ti Sub-Commission on the Arts, National Commission for Culture and the Arts (NCCA), iti San Nicolas, Ilocos Norte, a nakaadalan kadagiti programa ken proyekto nga inesposoranna iti Rehion I manipud 2000 agingga iti 2007.
“Kasapulan ti panagdanggay ti NCCA ken dagiti project partner ken grantees-na ditoy Rehion Uno a mangadal kadagiti programa ti kultura ken arte,” kinuna ni Ms. Corinnah Olazo-Coronel, Planning Officer ti Project Management and Evaluation Division. “Babaen ti proseso a Focus Group Discussion (FGD), mamati ti NCCA a dakkel ti maitulong daytoy iti panangamiris kadagiti pagsayaatan ken pagkurangan dagiti naesponsoranen a proyekto. Ken agserbi ti resulta daytoy proseso a baseline data a kasapulan iti panagplano kadagiti programa ken proyekto ti Commission iti sumaruno nga innem a tawen.”
“Nasurok a 20 a project partners ken grantees ti NCCA iti Rehion I ti naawis a kas key informants nga umay makitaripnong itoy nga FGD,” inlawlawag ni Mr. Edward Perez, ti facilitator ken Vice-Head ti Subcommittee on the Arts. Kadua ni Mr. Perez ni Mr. Mozart Pastrano ti NCCA a nangiturong iti saritaan.
Buklen ti grupo ti NCCA project partners dagiti naawis a Non-Government Organizations (NGOs), Local Government Units (LGUs), National Government Agencies (NGAs) ken Peoples’ Organization (POs) manipud iti probinsia ti Pangasinan, La Union, Ilocos Sur ken Ilocos Norte.
Ni Mayor Alfredo Valdez ti San Nicolas, Ilocos Norte ti nangsangaili kadagiti bisita.
Iti agmalem a proseso, nagpipinnadamag, naggiinnadal ken nagsisinnukat iti kapanunotan dagiti timmabuno, maipapan kadagiti proyektoda a mainaig iti kultura ken arte ni Ilokano. (D. R. Alcantara)
(Naipablaak iti Bannawag, Nobiembre 23, 2009, panid 36.)
“Kasapulan ti panagdanggay ti NCCA ken dagiti project partner ken grantees-na ditoy Rehion Uno a mangadal kadagiti programa ti kultura ken arte,” kinuna ni Ms. Corinnah Olazo-Coronel, Planning Officer ti Project Management and Evaluation Division. “Babaen ti proseso a Focus Group Discussion (FGD), mamati ti NCCA a dakkel ti maitulong daytoy iti panangamiris kadagiti pagsayaatan ken pagkurangan dagiti naesponsoranen a proyekto. Ken agserbi ti resulta daytoy proseso a baseline data a kasapulan iti panagplano kadagiti programa ken proyekto ti Commission iti sumaruno nga innem a tawen.”
“Nasurok a 20 a project partners ken grantees ti NCCA iti Rehion I ti naawis a kas key informants nga umay makitaripnong itoy nga FGD,” inlawlawag ni Mr. Edward Perez, ti facilitator ken Vice-Head ti Subcommittee on the Arts. Kadua ni Mr. Perez ni Mr. Mozart Pastrano ti NCCA a nangiturong iti saritaan.
Buklen ti grupo ti NCCA project partners dagiti naawis a Non-Government Organizations (NGOs), Local Government Units (LGUs), National Government Agencies (NGAs) ken Peoples’ Organization (POs) manipud iti probinsia ti Pangasinan, La Union, Ilocos Sur ken Ilocos Norte.
Ni Mayor Alfredo Valdez ti San Nicolas, Ilocos Norte ti nangsangaili kadagiti bisita.
Iti agmalem a proseso, nagpipinnadamag, naggiinnadal ken nagsisinnukat iti kapanunotan dagiti timmabuno, maipapan kadagiti proyektoda a mainaig iti kultura ken arte ni Ilokano. (D. R. Alcantara)
(Naipablaak iti Bannawag, Nobiembre 23, 2009, panid 36.)
Comments
Post a Comment