NAALAKAN ASSENG : Don’t Judge A Girl By The Cover Of Her Book

Saan a kastoy ti akkubna daydiay librok nga Steinbeck.



IDI nagnaedkami iti Francisco Homes III, San Jose Del Monte City, Bulacan iti nasurok a dua a tawen, napadasak ti agbiahe iti nasursurok pay ngem dua oras, no dadduma tallo, a sumrek laeng iti opisina (iti Intramuros, Manila)— Sta. Cruz nga ayan ti terminal ti Del Monte City a bus a mapan iti Intramuros ket abutenna payen iti nasurok a treinta a minuto lalo no kasta a Biernes a misa iti Quiapo.

Ket nupay parikutkon ti panagulawko nga agbasa iti bus wenno dyip, pinilitko ti bagik a mairuam ti agbasa iti libro. Tapno adda met maganabko, kunak, iti agarup innem nga oras iti inaldaw a no ar-arigen, mabalinen nga oras para iti trabaho.

Idi mapasamak daytoy a padasko, addaak iti katengngaan ti The Long Valley, ti kakaisuna nga antolohia dagiti ababa a sarita ni John Steinbeck, no diak mariro, iti sarita a “Johnny Bear”.

Iti para dua ti ayan ti bakante ket ditaak a nagtugaw. Babai nga agarup kaedadko— agtawenak iti 28 wenno 29 idi— ti nakatugawen. Ken agbasbasa iti libro.

Idi makatugawak, pinasikigiak ti basbasaenna. Maris rosas ti akkub daytoy nga adda “Love” ti paulona-- diak unay mabasa ta English Script ti font-na, gagangay a font dagiti Hallmark cards. Yak.

Hopeless romantic, ingngilangilko. Wanopdem.

Pinasikigak manen ti babai. Nakauniporme iti kas itay aglaklako iti groseria a saan met nga SM. Mabalin pay a botika. Wenno class a panaderia a kasla koma Pan de Manila.

Dina pay inikkat ti tag price ti libro. Iparayadna ngata a ginatangna iti National Bookstore.

Inruarko ni Steinbeck. Uray no ukay-ukay laeng iti sidiran ti UP Coop ti librok, one of the world’s greatest met ti autorna— Nobel prize winner.

Inukradko ni Steinbeck. Nakadidillaw ti panangipasikigko iti akkubna tapno mabasa ti babai.

Ngem awan aniamanna iti babai. Talaga a dina ammo ti good, nakunak iti nakemko. Bimmakbaketan nga Emo. No nagasawa koma, addan dua nga annakna a kas kaniak. Ngem feeling teenager latta a di maka-move-on manipud iti puppy love.

Nagbasaak. Ngem adda semsemko. Kunkunak iti nakemko: No koma ngamin amin a tattao, nangruna dagiti babbai, ket agbasa kadagiti libro nga adda anagna a saan ket a dagiti melodramatiko a makapasangit a mangay-ay-ay iti nalukneng a puso, di kad’ adda met ngata pamalbaliwan ti panirigan ti tao iti lubong ken aglawlawna ket maliklikan dagiti ino-OA a paspasamak ket amin a tao, agtignay laeng para iti mas adda anagna a panggep!

Wen, talaga nga adda !-na. Masiudotak iti daydi a gundaway. Surat a surat datao kadagiti sarita ken dandaniw a napekpekpek iti simbolismo kada nauuneg a kaipapanan, ngem adda met latta dagiti mangayat latta kadagiti romance pocketbook a sursuraten met laeng dagiti lallaki, a naglinged iti nagan a bababi, ayatda laeng a makakuarta ket maiyebkasda pay ti kinakorni iti bagbagida!

Ay, di kadi nasurok a dua nga oras dayta a nasiudotak?

Idi asidegkamin iti C3, apagapaman a naginat ti babai.

Bumaba met laengen, napayamanak.

Intangep ti babai ti maris-rosas-ti-akkubna a libro. Ket nakitak ti nakasurat iti akkubna:

LOVE IN THE TIME OF CHOLERA
Gabriel Garcia Marquez

Ay, ta sa la nagmawmaw ti kasla pannakasiram ti rupak idi nakababan ti babai.—O

Agosto 7, 2010

Comments

Post a Comment

Popular posts from this blog

VOICE TAPE

Image
VOICE TAPE   Kuwento ni ARIEL SOTELO TABÁG (Updated Version) Photo credit:  ask.metafilter.com NITONG pinakahuling bakasyon ko sa bayan kong Santa Teresita sa Cagayan, nanariwa ang alaala ko labingwalong taon na ang nakararaan—iyong taon na may nangyari kay Tito Ato, ang kapatid ni Nanay na sumunod sa kaniya.   Noong hinahanap namin ni Nanay ang mga sertipiko ng mga awards ko sa elementarya at hayskul para magamit ko bilang pampakapal ng credentials ko bilang titser sa Maynila, may ‘ibang bagay’ pa kaming nahanap.   Sabi ni Nanay, inilagay niya ang mga sertipiko sa lumang envelope bag na may markang LA na napanalunan niya sa pagkaskas ng balat ng nasabing brand ng sigarilyo. Nang mahanap at mabuksan namin ang bag, wala ang mga sertipiko.   Iyon   pala, nakarolyo at nakasilid ito   sa isa sa apat na piraso ng buho na pinaglagyan ni Nanay ng aming birth certificate . (Tatlo lang kaming magkakapatid at hindi na sila sumagad sa...
Adda pay nayonna

ARIEL SOTELO TABAG

Image
ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999) ...
Adda pay nayonna

KARAPOTE (UDPATED)

KARAPOTE (KAPORRITI) Sarita ni ARIEL SOTELO TABÁG   NAYANAKAK a suni. Wenno immun-una dagiti sakak a rimmuar ngem ti ulok idi ipasngaynak ni nanang. Dayta ti kuna da nanang ken Lilang Balling, ti baket a mangngilut ken lumulualo a nangpaltot kaniak. Isu kano nga adda bileg dagiti dakulapko. Aprosak laeng ti tengnged a naitdalan— daytay nasiitan iti karabukob—dagus a sumuroten ti siit iti maminsan laeng a panagtilmon.   Manmano kano ti kas kaniak. Isu a nagasatak kano—nga isu met ti panagkunak. Mapatangam la ketdi dagiti addangmo, awanen ti nagasgasat ngem sika, kinuna ngarud ti naam-ammok a lakay a mammalad naminsan a naipasiarak iti kabangibang nga ili. Adda ketdi daydi dinakamatna a nasuerte met a padak ngem diakon malagip.   Ngem mamatiak iti kinuna ti lakay. Siguradoak a kasingin dayta ti kinalaingko a mangngilut wenno mammullo. Adu ti kalugarak nga umanamong iti dayta.   Naminsan, awan pay sangapulok idi, naluspiko ni tatang bayat ti panagar-ar...
Adda pay nayonna