Dagiti Proyektok a Nobela
TALLO a nobela— maysa iti prosa ken dua iti komiks wenno graphic— ti panggepko a suraten iti kabiitan a panawen.
Umuna daytoy prosa. Ti working title-na ket “Sabong ti Kandaruma”. Kinapudnona, idi pay apagtapog ti 2006— kalpasan a nakapagbasaak kadagiti nobela ni Fyodor Dostoevsky— a nainawko daytoy a nobela. Ammokon ti pagtarayanna, am-ammokon dagiti karakterna. Kinapudnona, addan nasuratko a lima a chapter. Daksanggasat ta saan a nakapasa iti pagrukodan ti Bannawag idi indatagko.
Awan ketdi ti planok a mangibasura. Gapu ta masayanganak iti material. Nalabit, baliwak ti estilo ti pannakasuratna. Baliwak ti kasasaad ti sumagmamano nga agbibiag. Sa idatagko manen iti editorial ti Bannawag.
Apay a masayanganak la unay iti material? Naka-set ngamin daytoy iti fictitious nga ili iti Cagayan— ti Sta. Maria a mabalin a pakadagupan ti amin nga ili iti amianan-a-daya a Cagayan. Ket dagiti pasamak, nagupugop met a pasamak iti nasao a probinsia ken kabangibangna payen.
Iti pattapattak, mapan a duapulo a chapter daytoy. Ket wen, nadagsen iti barukong ti temana. Isu a kunak a baliwak ti atakena tapno iti kasta, medio lumag-an iti part-ko kas mannurat, ken iti biang dagiti agbasa.
Kasano kadagsenna? Anak ti napapatay a mayora ti bida a maysa nga agpadpadi. Asino ti nangpapatay iti ina ti bida? Definitely, saan a dagiti kalabanna iti politika, ken ad-adda a saan a dagiti rebelde.
Maysa a nobela a mangipaduyakyak a dagiti adda iti sentro ti kagimongan ket not necessarily nga isuda ti morally upright.
MAIKADUA a planok a suraten ket daytoy agmakatawenen a planomi ken ti maysa a graphic artist iti Manila Bulletin, ni Greco Milambiling a putot ni Apo Tito Milambiling a masansan a mang-illustrate kadagiti salaysay idi ni Jose A. Abletez.
Maysa a komiks nga agatiddog iti duapulo a panid. Black and white ket panggep a Tagalog ti dialogue-na—nupay kunak nga addanto koma met bersionna iti Ilokano. Ket panggep met a self-publishing daytoy kas iti nangrugrugian dagiti creator ti Trece graphic series. Wen, saanko a panggep nga idatag para iti Bannawag.
Daytoy estoria ket immuna a napanunotko a suraten a prosa. Ngem gapu ta kasla adu ti aksionna, inkeddengko a suraten a para komiks. Maysa pay gayam a rason a saan a para Bannawag ket nakabutbuteng la unay ken bayolente a saan a naisangrat para kadagiti ubbing a babassit. “Sagad” ti pampanunotek a paulona ket maipanggep daytoy iti maysa a dati a gerilia nga iti panagpanaw dagiti Hapon iti Filipinas, nagbalin a tulisan, killer, ken rapist. Dua ti pagaayatna nga aramiden, agurnong iti kanigid a lapayag dagiti lallaki, ken agbilang iti mayalana a birhen.
MAIKATLO ti nobela a komiks met laeng. Kinapudnona, immun-una a na-conceptualize-ko daytoy ngem iti “Aggay, ti Maingel iti Cagay-an”. Ngem naipaigid gapu iti mismo a balabala a nakaisakaban ti estoria ti maysa a lalaki a mangbirok iti amana. Panggepko ngamin nga estoria koma daytoy ti kaunaan nga Ilokano nga MMA welterweight champion.
Medio sabali estilona ta babaen koma daytoy a komiks, kayatko koma nga ilawlawag dagiti teknikalidad ti MMA. Ngem agdependento dayta iti mapagpapatangan iti editorial gapu ta panggepko nga idatag koma para iti Bannawag.
Dakkel ngamin nga ikonsidera pay dagiti illustrator. Nalabit gapu iti kinababa ti bayadda, agsasadutda nga agdrowing ket madida maikkan iti hustisia ti nobela. Dayta met ti panggapuak no kua a mapukawan iti ganas.
Nupay kasta, kas nakunak, daytoy MMA ti skeleton-na. Ngem ti estoria ket dagiti sindikato iti droga, sugal, carnapping, ken dadduma pay iti Filipinas. Iti estoria, kanaig ditoy ti ama ti bida a napilitan a nangpanaw iti bida gapu ta kayatna nga iliklik daytoy iti kinapeggad ti ayanna a lubong.
Ket iti panangtunton kenkuana ti putotna, a nagna iti dalan ti street fighting ken mix martial arts, ditoy a masaksian dagiti narurungsot a panaggugubal iti uneg ken ruar ti rueda.
KABAYATANNA, addaak iti katengngaan ti maysa a book project a pakainaigan ti sangapulo ket tallo nga ubbing a mannurat nga Ilokano. Ket dakkel ti pakainaiganna daytoy agdama a proyektok no apay a sinuratko daytoy ababa a salaysay.
Gapu ta kayatko nga i-pressure ti bagik ket malpasko koman iti kabiitan a panawen daytoy agdama a proyektok.
Pakamakam: madama gayam a pespesek ti creative juices-ko para iti maysa nga album a buklen dagiti Ilokano a rock a kankanta.
No diak pay la ma-pressure kadagitoy, timmangkenen ti kinasadutko.#
AST
Oktubre 9, 2011
Umuna daytoy prosa. Ti working title-na ket “Sabong ti Kandaruma”. Kinapudnona, idi pay apagtapog ti 2006— kalpasan a nakapagbasaak kadagiti nobela ni Fyodor Dostoevsky— a nainawko daytoy a nobela. Ammokon ti pagtarayanna, am-ammokon dagiti karakterna. Kinapudnona, addan nasuratko a lima a chapter. Daksanggasat ta saan a nakapasa iti pagrukodan ti Bannawag idi indatagko.
Awan ketdi ti planok a mangibasura. Gapu ta masayanganak iti material. Nalabit, baliwak ti estilo ti pannakasuratna. Baliwak ti kasasaad ti sumagmamano nga agbibiag. Sa idatagko manen iti editorial ti Bannawag.
Apay a masayanganak la unay iti material? Naka-set ngamin daytoy iti fictitious nga ili iti Cagayan— ti Sta. Maria a mabalin a pakadagupan ti amin nga ili iti amianan-a-daya a Cagayan. Ket dagiti pasamak, nagupugop met a pasamak iti nasao a probinsia ken kabangibangna payen.
Iti pattapattak, mapan a duapulo a chapter daytoy. Ket wen, nadagsen iti barukong ti temana. Isu a kunak a baliwak ti atakena tapno iti kasta, medio lumag-an iti part-ko kas mannurat, ken iti biang dagiti agbasa.
Kasano kadagsenna? Anak ti napapatay a mayora ti bida a maysa nga agpadpadi. Asino ti nangpapatay iti ina ti bida? Definitely, saan a dagiti kalabanna iti politika, ken ad-adda a saan a dagiti rebelde.
Maysa a nobela a mangipaduyakyak a dagiti adda iti sentro ti kagimongan ket not necessarily nga isuda ti morally upright.
MAIKADUA a planok a suraten ket daytoy agmakatawenen a planomi ken ti maysa a graphic artist iti Manila Bulletin, ni Greco Milambiling a putot ni Apo Tito Milambiling a masansan a mang-illustrate kadagiti salaysay idi ni Jose A. Abletez.
Maysa a komiks nga agatiddog iti duapulo a panid. Black and white ket panggep a Tagalog ti dialogue-na—nupay kunak nga addanto koma met bersionna iti Ilokano. Ket panggep met a self-publishing daytoy kas iti nangrugrugian dagiti creator ti Trece graphic series. Wen, saanko a panggep nga idatag para iti Bannawag.
Daytoy estoria ket immuna a napanunotko a suraten a prosa. Ngem gapu ta kasla adu ti aksionna, inkeddengko a suraten a para komiks. Maysa pay gayam a rason a saan a para Bannawag ket nakabutbuteng la unay ken bayolente a saan a naisangrat para kadagiti ubbing a babassit. “Sagad” ti pampanunotek a paulona ket maipanggep daytoy iti maysa a dati a gerilia nga iti panagpanaw dagiti Hapon iti Filipinas, nagbalin a tulisan, killer, ken rapist. Dua ti pagaayatna nga aramiden, agurnong iti kanigid a lapayag dagiti lallaki, ken agbilang iti mayalana a birhen.
MAIKATLO ti nobela a komiks met laeng. Kinapudnona, immun-una a na-conceptualize-ko daytoy ngem iti “Aggay, ti Maingel iti Cagay-an”. Ngem naipaigid gapu iti mismo a balabala a nakaisakaban ti estoria ti maysa a lalaki a mangbirok iti amana. Panggepko ngamin nga estoria koma daytoy ti kaunaan nga Ilokano nga MMA welterweight champion.
Medio sabali estilona ta babaen koma daytoy a komiks, kayatko koma nga ilawlawag dagiti teknikalidad ti MMA. Ngem agdependento dayta iti mapagpapatangan iti editorial gapu ta panggepko nga idatag koma para iti Bannawag.
Dakkel ngamin nga ikonsidera pay dagiti illustrator. Nalabit gapu iti kinababa ti bayadda, agsasadutda nga agdrowing ket madida maikkan iti hustisia ti nobela. Dayta met ti panggapuak no kua a mapukawan iti ganas.
Nupay kasta, kas nakunak, daytoy MMA ti skeleton-na. Ngem ti estoria ket dagiti sindikato iti droga, sugal, carnapping, ken dadduma pay iti Filipinas. Iti estoria, kanaig ditoy ti ama ti bida a napilitan a nangpanaw iti bida gapu ta kayatna nga iliklik daytoy iti kinapeggad ti ayanna a lubong.
Ket iti panangtunton kenkuana ti putotna, a nagna iti dalan ti street fighting ken mix martial arts, ditoy a masaksian dagiti narurungsot a panaggugubal iti uneg ken ruar ti rueda.
KABAYATANNA, addaak iti katengngaan ti maysa a book project a pakainaigan ti sangapulo ket tallo nga ubbing a mannurat nga Ilokano. Ket dakkel ti pakainaiganna daytoy agdama a proyektok no apay a sinuratko daytoy ababa a salaysay.
Gapu ta kayatko nga i-pressure ti bagik ket malpasko koman iti kabiitan a panawen daytoy agdama a proyektok.
Pakamakam: madama gayam a pespesek ti creative juices-ko para iti maysa nga album a buklen dagiti Ilokano a rock a kankanta.
No diak pay la ma-pressure kadagitoy, timmangkenen ti kinasadutko.#
AST
Oktubre 9, 2011
Comments
Post a Comment