Helmet
KAADUAN a mapaspasamak nga aksidente iti kalsada ket gapu wenno adda pakainaigan ti motorsiklo. Diak ammo no ania ti nalawag a pagalagadan dagiti agmotmotor-- kas koma no adda linia a nasken a surotenda nga isuda laeng ti magna ken no ania dagiti kalsada, no national wenno provincial, etc. a surotenda laeng-- gapu nalabit ta diak met agmotmotor ken medio agsiddukerak manipud iti gistayan pannakadesgrasiak iti motor.
Pagimbaganna ketdi ta responsable met dagiti dadduma nga agmotmotor. Kompleto ti helmet kada guantes kada sarapa iti tumeng.
Ngem adda met dagiti loko. Kaaduanna dagitay singit a singit. Apo ta uray nagdakkel a ten-wheeler ket singitanda. Mamin-ano la ngatan a rumeken ti higante a lugan ta motor?
Adda met dagitay nagtured a mangilubbon iti asawada iti likud wenno anakda iti sango-- naka-helmet ti dadduma, saan ti dadduma nangruna no mapan la gumatang iti suka iti kanto. Ngem nakaam-ames no dagitoy ti maaksidente uray no ti makitam la iti disso ti aksidente ket 'tay nadaraan nga ismagel ti ubbing. Apo.
Adda met dagitay pangas wenno pa-pogi. No saan a nakabasbassit daytay helmetda a kunam la no baseball cap, adda met tay mangipan iti sikoda ti helmet. Isu nga inton matulid wenno maidungpar iti poste 'diay nag-motor, awan man la ti garumiad daydiay sikona. Ngem ti daksanggasat nga ulo, ay, ket nabtak, a.
Apay nga insuratko daytoy? Kayatko a mapalagipannak iti panagsidsiddukerko iti panagmotor. Ta di ket mayatak iti singasing ni baket a gumatangak iti motor tapno makainutak kano iti plete.
Maysa a kita ti pa-pogi a helmet.
Hunio 27, 2011
Pagimbaganna ketdi ta responsable met dagiti dadduma nga agmotmotor. Kompleto ti helmet kada guantes kada sarapa iti tumeng.
Ngem adda met dagiti loko. Kaaduanna dagitay singit a singit. Apo ta uray nagdakkel a ten-wheeler ket singitanda. Mamin-ano la ngatan a rumeken ti higante a lugan ta motor?
Adda met dagitay nagtured a mangilubbon iti asawada iti likud wenno anakda iti sango-- naka-helmet ti dadduma, saan ti dadduma nangruna no mapan la gumatang iti suka iti kanto. Ngem nakaam-ames no dagitoy ti maaksidente uray no ti makitam la iti disso ti aksidente ket 'tay nadaraan nga ismagel ti ubbing. Apo.
Adda met dagitay pangas wenno pa-pogi. No saan a nakabasbassit daytay helmetda a kunam la no baseball cap, adda met tay mangipan iti sikoda ti helmet. Isu nga inton matulid wenno maidungpar iti poste 'diay nag-motor, awan man la ti garumiad daydiay sikona. Ngem ti daksanggasat nga ulo, ay, ket nabtak, a.
Apay nga insuratko daytoy? Kayatko a mapalagipannak iti panagsidsiddukerko iti panagmotor. Ta di ket mayatak iti singasing ni baket a gumatangak iti motor tapno makainutak kano iti plete.
Hunio 27, 2011
Comments
Post a Comment