URAY KOMA GOOGLE KEN YAHOO

nagtripak nga in-layout


idi damo, friendster ti inikkatda.

idi aglatak ti facebook ken youtube, isu met ti insarunoda nga inikkat, wenno dimi ma-acces iti opisinami.

iti opisinami iti regional magazines met la ketdi. ta kadagiti sabsabali nga opisina, masirsiripmi met nga agus-usarda iti fb ken youtube.ket wen iti oras ti opisina.

ita, itay laeng, inikkatda met ti blogger.com ket diakon ma-update daytoy blog-ko.

adda met ketdi twitter. ngem ti twitter ngamin, kasla mas okey para kadagiti celebrity daytoy a social networking site.

sakbayna, daydiay kompiuter nga adda kaniak, ti laeng mabalinmo nga aramiden ket ag-type iti ms word. awan excel-na. madika makabuya iti picture (uray no siak ti in-charge iti panagpili iti akkub para bannawag). madika makapatokar. (kinapudnona, awan internetna daytoy unit nga usarko ket makibulbulodak iti sabali a unit)

diak ammo no ania ti makagapu nga awan kadakami dayta. ta no siak a maysa a creative writer, mas ganadoak nga agtrabaho no adda nakapullat nga earphone ket pabanagbagek ta rock sound nga uray la mapmaplengak.

iti met biang ti blog, agserserbi ngamin daytoy a personal a journal-ko a pangipaspaskilak kadagiti malagipko nga idea, ken kadagiti planok a suraten wenno kadagiti panggepko a proyekto.

no met agaramidak iti payroll, bulodek pay daytay kompiuter ni mang jani tapno maaramidko daytoy iti excel.

gapu ngata ta regional dagiti magasin a pagpapaayanmi ket awanan karbengan a sumirip met kadagiti kakastoy a site? wenno iti panagkunada, udongkami unay ket dimi ammo ti agdengngeg iti music?

ngem kas itay kunada, no addaka met pay laeng iti maysa a relihion, madika agsao iti maikaniwas iti dayta a relihion, or else, rummuarka laengen iti dayta a relihion. iti ababa a pannao, no madik kayat dagiti wagas dagiti adda iti ngatuek, nawayaak nga agpakada.

ngem nagrigat sa man nga isakripisiok ti panagpaayko iti bannawag nga inkakaubingak nga arapaap para laeng iti panagdengngegko iti music, panang-update-ko iti blog-ko (ala uray diakon makapag-fb wenno makapag-youtube nupay napartak dagitoy a sites a mangpatan-ay met iti trabahomi nga adda iti editorial ken publishing).

so, agulimekak lattan.

nupay iti likud ti panunotko, no addaka iti industria kas maysa kadagiti mangpatpataray iti maysa a nasaknap a magasin, kabuyogna koma met ti kaadda dagiti teknolohia nga ad-adda pay a mangpadur-as kenka kas kameng ti editorial, ken iti magasin tapno makabael a makigiddan
iti addang ti panawen.

sakbay a gibusak daytoy a pettat a pampanunot, ituloyko ti impaulok itoy nga entry.

uray koma google ken yahoo, ikkatendan kadagiti kompiutermi. tapno ti usarna dagiti kompiutermi, pagitipaan laengen a kasla makinilia.

Comments

  1. AdminJune 30, 2011 at 9:26 PM

    hehe...tanud mabalinmo latta ti agpost iti blogger.com uray naka-block.

    ReplyDelete
  2. ASTJuly 3, 2011 at 8:24 PM

    hehe. kasano tanud? yemailmo man kaniak.

    ReplyDelete

Post a Comment

Popular posts from this blog

VOICE TAPE

Image
VOICE TAPE   Kuwento ni ARIEL SOTELO TABÁG (Updated Version) Photo credit:  ask.metafilter.com NITONG pinakahuling bakasyon ko sa bayan kong Santa Teresita sa Cagayan, nanariwa ang alaala ko labingwalong taon na ang nakararaan—iyong taon na may nangyari kay Tito Ato, ang kapatid ni Nanay na sumunod sa kaniya.   Noong hinahanap namin ni Nanay ang mga sertipiko ng mga awards ko sa elementarya at hayskul para magamit ko bilang pampakapal ng credentials ko bilang titser sa Maynila, may ‘ibang bagay’ pa kaming nahanap.   Sabi ni Nanay, inilagay niya ang mga sertipiko sa lumang envelope bag na may markang LA na napanalunan niya sa pagkaskas ng balat ng nasabing brand ng sigarilyo. Nang mahanap at mabuksan namin ang bag, wala ang mga sertipiko.   Iyon   pala, nakarolyo at nakasilid ito   sa isa sa apat na piraso ng buho na pinaglagyan ni Nanay ng aming birth certificate . (Tatlo lang kaming magkakapatid at hindi na sila sumagad sa...
Adda pay nayonna

ARIEL SOTELO TABAG

Image
ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999) ...
Adda pay nayonna

KARAPOTE (UDPATED)

KARAPOTE (KAPORRITI) Sarita ni ARIEL SOTELO TABÁG   NAYANAKAK a suni. Wenno immun-una dagiti sakak a rimmuar ngem ti ulok idi ipasngaynak ni nanang. Dayta ti kuna da nanang ken Lilang Balling, ti baket a mangngilut ken lumulualo a nangpaltot kaniak. Isu kano nga adda bileg dagiti dakulapko. Aprosak laeng ti tengnged a naitdalan— daytay nasiitan iti karabukob—dagus a sumuroten ti siit iti maminsan laeng a panagtilmon.   Manmano kano ti kas kaniak. Isu a nagasatak kano—nga isu met ti panagkunak. Mapatangam la ketdi dagiti addangmo, awanen ti nagasgasat ngem sika, kinuna ngarud ti naam-ammok a lakay a mammalad naminsan a naipasiarak iti kabangibang nga ili. Adda ketdi daydi dinakamatna a nasuerte met a padak ngem diakon malagip.   Ngem mamatiak iti kinuna ti lakay. Siguradoak a kasingin dayta ti kinalaingko a mangngilut wenno mammullo. Adu ti kalugarak nga umanamong iti dayta.   Naminsan, awan pay sangapulok idi, naluspiko ni tatang bayat ti panagar-ar...
Adda pay nayonna