Sarsuela Ilokana, naipabuya iti CCP
Nairaman iti pabuya ti Bayanihan Folk Arts Foundation a “Beyond Folklore Celebrating 50 Years after Broadway” ti Sarsuela Ilokana iti Cultural Center of the Philippines idi Okt. 2-4.
Kadua ni Gov. Deogracias Victor “DV” Savellano a nagakem iti pabuya dagiti sarsuelista a da Divina Quemi ken Zenaida Pulido idinto a nagbalin met a consultant iti paset ti pabuya a “Romansa Ilocana” ni Agapito Pablico a nangsurat iti sarsuela a “Sirnaag I” ken “Sirnaag II”.
Lalo pay a nangpangayed iti pabuya ti panangkompaniar ti bulsek a ni Bernard Tabag (gitara) ken ti pukol a ni Joel Guillermo (keyboards) iti panagkanta da Gov. Savellano kadagiti kankanta iti Kailokuan.
Maulit ti pannakaipabuya ti “Romansa Ilokana” inton Dis.18-22.maipabuyanto manen daytoy iti CCP kas impakaammo ti gobernador.
“Maysa daytoy a wagas tapno mataginayon pay ti Sarsuela Ilocana a matmatayen gapu iti adu a rason,” kinuna ni Gob. DV Savellano.
Maipalagip nga idi 2007, inesponsoran ti gobierno probinsial ti Zarzuela Festival iti babaen ti programa ni Gob. Savellano a “Dur-as ken Victoria iti Benneg ken Salinong ti Kultura (DVBS)” a nagpabuyaan ti pito a dramatic troupes iti nadumaduma nga ili a nakapilian pay dagiti kalaingan a nagakem, musiko ken kapintasan nga estoria.
Maulit met a maangay ti Zarsuela Festival itoy a Nobiembre a pagsasalipan manen dagiti grupo dagiti sarsuelista. (Mancielito S. Tacadena)
(Naipablaak iti Bannawag, Oktubre 26, 2009.)
Kadua ni Gov. Deogracias Victor “DV” Savellano a nagakem iti pabuya dagiti sarsuelista a da Divina Quemi ken Zenaida Pulido idinto a nagbalin met a consultant iti paset ti pabuya a “Romansa Ilocana” ni Agapito Pablico a nangsurat iti sarsuela a “Sirnaag I” ken “Sirnaag II”.
Lalo pay a nangpangayed iti pabuya ti panangkompaniar ti bulsek a ni Bernard Tabag (gitara) ken ti pukol a ni Joel Guillermo (keyboards) iti panagkanta da Gov. Savellano kadagiti kankanta iti Kailokuan.
Maulit ti pannakaipabuya ti “Romansa Ilokana” inton Dis.18-22.maipabuyanto manen daytoy iti CCP kas impakaammo ti gobernador.
“Maysa daytoy a wagas tapno mataginayon pay ti Sarsuela Ilocana a matmatayen gapu iti adu a rason,” kinuna ni Gob. DV Savellano.
Maipalagip nga idi 2007, inesponsoran ti gobierno probinsial ti Zarzuela Festival iti babaen ti programa ni Gob. Savellano a “Dur-as ken Victoria iti Benneg ken Salinong ti Kultura (DVBS)” a nagpabuyaan ti pito a dramatic troupes iti nadumaduma nga ili a nakapilian pay dagiti kalaingan a nagakem, musiko ken kapintasan nga estoria.
Maulit met a maangay ti Zarsuela Festival itoy a Nobiembre a pagsasalipan manen dagiti grupo dagiti sarsuelista. (Mancielito S. Tacadena)
(Naipablaak iti Bannawag, Oktubre 26, 2009.)
Comments
Post a Comment