Diak Paboran Daytoy RH Bill
Suratek iti Ilokano daytoy stand-ko, saan a gapu ta mabutengak a makipinnapilit kadagiti Tagalog ken umiingles nga am-ammok, ken saan a gapu ta datiak a seminarista, no di ket dagiti padak nga Ilokano ti kayatko nga allukoyen itoy a pagtaktakderak—uray man metmetong laeng no isu. Kas makipagili iti Filipinas, rebbengna met siguro a mangikeddengak itoy nakakonkontrobersial a patangan.
Ngarud, adtoy ti sangapulo a rason no apay a diak kumanunong iti pannakaipasa ti rh bill.
1. Makatulong a mangibayag ngem dina mapengdan ti panaglobo ti populasion. Saan a gumatgatang iti kontraseptibo wenno condom ti kaaduanna a nagaget nga aganak, kas kadagiti adda iti urban wenno slum areas ken dagiti adda iti aw-away. Ken uray no ikkam ida iti libre— babaen ti gobierno, kas pangarigan maipasa— masadutda a mangusar, kas iti kinasadut ti kaaduan kadakuada a mangpatan-ay iti panagbiagda.
2. Kaykayatko a saan koma nga agkontrol dagiti kabaelanna a patan-ayen dagiti annakna—dagiti responsable a nagannak, rebbengna nga adu koma ti putotenda. Dagiti nasayaat a puli, dina rebbeng a makontrol ti panagaduda.
3. Pattapatta daytoy ngem nalabit adda kinapudnona a dakkel laeng ti ipapetpet dagiti kompania ti agas/kontraseptibo kadagiti agpampanday-linteg a mangkanunong itoy a bill.
4. Naturtured itan dagiti kaippultit— mga 12-18 yrs old— a mangpadas iti seks.
5. Duan ti putotko ken isapatak a tallon a tawen a diak nagus-usar iti condom idinto a mapagalimpatokko met ni baket iti rinabii, no dadduma, ad-adu pay ngem maminsan. Ken isapatak nga iti piton a tawen a panagdennami, di pay nagtomtomar iti kontraseptibo (ni baket).
6. Apay koma a padasek ti makikaidda kadagiti mabaybayadan a babbai?
7. Gapu ta dehadon dagiti anti-rh bill ket kaykayatko ti underdog.
8. Gapu ta kagurak ni Ping Lacson iti panangipagelna kadagiti papadi nga agsermon maipanggep iti rh bill. Walang basagan ng trip, Senador Ping.
9. Gapu ta diak imbutos ni Presidente Noynoy.
10. Gapu ta idol-ko ni Pacquiao ket masemsemak iti kinadang-as da Mirriam ken Lagman a kunam la no kukuada amin a kinasirib iti lubong ket iti kinabayagdan a politiko, sinal-it ketdi ta awan nagbaliwanna ti Filipinas, idinto a ni Pacquiao, mabalin a maawisna pay iti Filipinas ni Paris Hilton.
Ngarud, adtoy ti sangapulo a rason no apay a diak kumanunong iti pannakaipasa ti rh bill.
1. Makatulong a mangibayag ngem dina mapengdan ti panaglobo ti populasion. Saan a gumatgatang iti kontraseptibo wenno condom ti kaaduanna a nagaget nga aganak, kas kadagiti adda iti urban wenno slum areas ken dagiti adda iti aw-away. Ken uray no ikkam ida iti libre— babaen ti gobierno, kas pangarigan maipasa— masadutda a mangusar, kas iti kinasadut ti kaaduan kadakuada a mangpatan-ay iti panagbiagda.
2. Kaykayatko a saan koma nga agkontrol dagiti kabaelanna a patan-ayen dagiti annakna—dagiti responsable a nagannak, rebbengna nga adu koma ti putotenda. Dagiti nasayaat a puli, dina rebbeng a makontrol ti panagaduda.
3. Pattapatta daytoy ngem nalabit adda kinapudnona a dakkel laeng ti ipapetpet dagiti kompania ti agas/kontraseptibo kadagiti agpampanday-linteg a mangkanunong itoy a bill.
4. Naturtured itan dagiti kaippultit— mga 12-18 yrs old— a mangpadas iti seks.
5. Duan ti putotko ken isapatak a tallon a tawen a diak nagus-usar iti condom idinto a mapagalimpatokko met ni baket iti rinabii, no dadduma, ad-adu pay ngem maminsan. Ken isapatak nga iti piton a tawen a panagdennami, di pay nagtomtomar iti kontraseptibo (ni baket).
6. Apay koma a padasek ti makikaidda kadagiti mabaybayadan a babbai?
7. Gapu ta dehadon dagiti anti-rh bill ket kaykayatko ti underdog.
8. Gapu ta kagurak ni Ping Lacson iti panangipagelna kadagiti papadi nga agsermon maipanggep iti rh bill. Walang basagan ng trip, Senador Ping.
9. Gapu ta diak imbutos ni Presidente Noynoy.
10. Gapu ta idol-ko ni Pacquiao ket masemsemak iti kinadang-as da Mirriam ken Lagman a kunam la no kukuada amin a kinasirib iti lubong ket iti kinabayagdan a politiko, sinal-it ketdi ta awan nagbaliwanna ti Filipinas, idinto a ni Pacquiao, mabalin a maawisna pay iti Filipinas ni Paris Hilton.
Comments
Post a Comment