Mapapigsa, pannakaaramat ti bernakular ken Filipino kadagiti pagadalan
Sagudayen ti SB 821
Mapapigsa, pannakaaramat ti bernakular ken Filipino kadagiti pagadalan
Ad-adalen ita ti Senado ti Senate Bill 821 nga indatag ni Sen. Jinggoy E. Estrada nga agpanggep a mangpapigsa iti akem dagiti dominante a rehional a lengguahe ken ti Filipino iti pannakaisuro dagiti agad-adal iti elementaria ken haiskul iti Filipinas.
Sagudayen ti SB 821 nga am-ammo pay a kas “An Act Strengthening the Role of the Vernacular and Filipino in Functional Literacy and Providing Guidelines for Its Classroom Use”, mausar ti rehional a lengguahe a kas language of instruction wenno lengguahe a pangisuro kadagiti agad-adal manipud iti Umuna a Grado agingga iti Maikatlo a Grado iti elementaria idinto a maisuro ti Filipino a kas agmaymaysa nga asignatura agingga iti Maikapat a Tawen iti haiskul.
Iti met Grado Tres, mayam-ammo met ti Ingles a kas agmaymaysa nga asignatura ken maisuro a kas asignatura agingga iti Maikapat a Tawen iti haiskul.
Ken iti met Maikapat a Grado, maipaigiden ti rehional a lengguahe ket mausaren ti Filipino a kas pangisuro iti amin nga asignatura, malaksid iti Ingles a maisuro a kas agmaymaysa nga asignatura.
Sagudayen pay ti singasing a linteg nga amin a teksbuk ken dadduma pay a maaramat a pagisuro a naisurat iti rehional a lengguahe ken iti Filipino, maisaganada kas mayataday kadagiti pagannurotan iti lengguahe nga isingasing ti Commission on the Filipino Language.
(Bannawag, Hunio 6, 2011)
Mapapigsa, pannakaaramat ti bernakular ken Filipino kadagiti pagadalan
Ad-adalen ita ti Senado ti Senate Bill 821 nga indatag ni Sen. Jinggoy E. Estrada nga agpanggep a mangpapigsa iti akem dagiti dominante a rehional a lengguahe ken ti Filipino iti pannakaisuro dagiti agad-adal iti elementaria ken haiskul iti Filipinas.
Sagudayen ti SB 821 nga am-ammo pay a kas “An Act Strengthening the Role of the Vernacular and Filipino in Functional Literacy and Providing Guidelines for Its Classroom Use”, mausar ti rehional a lengguahe a kas language of instruction wenno lengguahe a pangisuro kadagiti agad-adal manipud iti Umuna a Grado agingga iti Maikatlo a Grado iti elementaria idinto a maisuro ti Filipino a kas agmaymaysa nga asignatura agingga iti Maikapat a Tawen iti haiskul.
Iti met Grado Tres, mayam-ammo met ti Ingles a kas agmaymaysa nga asignatura ken maisuro a kas asignatura agingga iti Maikapat a Tawen iti haiskul.
Ken iti met Maikapat a Grado, maipaigiden ti rehional a lengguahe ket mausaren ti Filipino a kas pangisuro iti amin nga asignatura, malaksid iti Ingles a maisuro a kas agmaymaysa nga asignatura.
Sagudayen pay ti singasing a linteg nga amin a teksbuk ken dadduma pay a maaramat a pagisuro a naisurat iti rehional a lengguahe ken iti Filipino, maisaganada kas mayataday kadagiti pagannurotan iti lengguahe nga isingasing ti Commission on the Filipino Language.
(Bannawag, Hunio 6, 2011)
Comments
Post a Comment