gapu iti bileg ti panunot
itay laeng nga ibagbagak iti facebook a yeskediulko no huebes agingga iti biernes ti panagsakitko-- tapno masuratko, kunak, daytay daniwko a pauluak iti UKOM. ngem bayag la a nakasangpetak iti opisina, mariknak metten ti panaggagatel 'toy karabukobko a kunam la no adda nakaangkla a bingkol. sa baengnak a baeng. ken madlawko a nasakit dagiti susuopko.
pabasolek ti pannakakutorko idi rabii. ngem arbis met laeng.
panagkunak, gapu ta inrekordkon iti panunotko a masapul nga agsakitak. ket dagus metten a simmuko daytoy bagi ken daytoy rikna iti pagayatan ti panunot.
kayatna a sawen ngarud, nabileg a talaga met laeng ti panunot. ta maiturayanna a dagus daytoy bagi ken rikna, wenno puso kunak lattan tapno nalawlawag.
diak ngamin mamati iti kuna ti maysa a gayyem maipapan iti maysa a patpatgen a nagpaituray iti panunotna. ta mamatiak ngamin a nabileg latta ti rikna, wenno ti puso. nangruna ket oriental-tayo a filipino wenno ilokano a mangbigbig iti patas a bileg ti panunot ken puso, no di man nabilbileg ti puso. isu a patiek a kaaduan a pangngeddeng ket puso ti nagari.
ngem itoy a gundaway, agirayakon iti pammati a nabileg a talaga ti panunot ket awan mamaay ti puso wenno rikna no daytoy ti nangeddeng. ket daytoy paspasarek ita a nakana a leddaang, gapu iti pangngeddeng ti nakaturturay a panunot a nangbilin iti maysa a puso nga awan ti ammona no di agayat ken mangpanunot iti pagsayaatan ti ipatpategna.
isu nga agsakitak met ita gapu iti bilin ti panunot. ket ibilbilinna a madegdegan koma pay ti panagleddaang daytoy pusok-- daytay nakana a kalpasan daytoy a panagleddaang, ad-addanto manen a natingtingra ti panagayatna, ti nadarisay a panagayatna.
husto pay laeng, friends, ket aglamminak metten.
pabasolek ti pannakakutorko idi rabii. ngem arbis met laeng.
panagkunak, gapu ta inrekordkon iti panunotko a masapul nga agsakitak. ket dagus metten a simmuko daytoy bagi ken daytoy rikna iti pagayatan ti panunot.
kayatna a sawen ngarud, nabileg a talaga met laeng ti panunot. ta maiturayanna a dagus daytoy bagi ken rikna, wenno puso kunak lattan tapno nalawlawag.
diak ngamin mamati iti kuna ti maysa a gayyem maipapan iti maysa a patpatgen a nagpaituray iti panunotna. ta mamatiak ngamin a nabileg latta ti rikna, wenno ti puso. nangruna ket oriental-tayo a filipino wenno ilokano a mangbigbig iti patas a bileg ti panunot ken puso, no di man nabilbileg ti puso. isu a patiek a kaaduan a pangngeddeng ket puso ti nagari.
ngem itoy a gundaway, agirayakon iti pammati a nabileg a talaga ti panunot ket awan mamaay ti puso wenno rikna no daytoy ti nangeddeng. ket daytoy paspasarek ita a nakana a leddaang, gapu iti pangngeddeng ti nakaturturay a panunot a nangbilin iti maysa a puso nga awan ti ammona no di agayat ken mangpanunot iti pagsayaatan ti ipatpategna.
isu nga agsakitak met ita gapu iti bilin ti panunot. ket ibilbilinna a madegdegan koma pay ti panagleddaang daytoy pusok-- daytay nakana a kalpasan daytoy a panagleddaang, ad-addanto manen a natingtingra ti panagayatna, ti nadarisay a panagayatna.
husto pay laeng, friends, ket aglamminak metten.
Comments
Post a Comment