Narambakan Dagiti Kannawidan ken Tawid iti Cordillera Region
Babaen ti Tam-Awan International Arts Festival
Narambakan Dagiti Kannawidan ken Tawid iti Cordillera Region
NAIWAYAT iti Tam-Awan Village iti Baguio City ti Second Tam-Awan International Arts Festival (TIAF) itay Mayo 13-15 2011. Mayannurot daytoy iti pannakarambak ti Nailian a Bulan ti Tawid (National Heritage Month) itoy Mayo ken idauluan ti National Committee on Art Galleries ti NCCA ken ti Chanum Foundation, Inc.
Nagrikudo daytoy maikadua a TIAF iti tema a “Weaving Through the Arts” kas mayannurot met laeng iti tema ti National Heritage Month itoy a tawen a “Taoid: Weaving our Stories, Threading our Paths.”
Nailaga met iti kultura iti Cordillera Region ti panagabel wenno panaglaga. Kinapudnona, addaan dagiti innem a probinsia iti Cordillera iti kabukbukodan nga abel ken wagas ti panagabel, nga isu met ti maiparang ken marambakan iti TIAF.
Malaksid iti dayta, panggep ti TIAF a gutigoten dagiti agtutubo nga agbalin a paset ti arte ken maluktan ti kananakemda kadagiti pito a tay-ak wenno wagas ti panangyebkas iti karirikna; maasa ti kinamanagpartuatda babaen dagiti lektiur ken workshop; maadalan saan laeng dagiti agtutubo no di pay ket ti sibubukel a komunidad iti pakasaritaan ken naaramidan ti arte iti Baguio City; matagiben ti panagsisinnukat iti kultura, impormasion ken kabaelan; magutigot dagiti agdama nga artisano a mangibinglay iti ammoda ken mangpatan-ay kadagiti baro nga artisano para iti sumaruno a henerasion; ken mapalangto ti panagkikinnaawatan, panagdidinnayaw, ken panagkikinnabsat dagiti artisano iti lokalidad, pagilian ken iti sangalubongan.
Nasurok a sangaribu a delegado ti nangsaksi ken nakipaset kadagiti nadumaduma nga aktibidad a pakairamanan dagiti art workshops, exhibition, lektiur mainaig iti tawid, workshop ken panagpabuya iti pito a tay-ak ti arte, performances, konsierto, panagbasa iti daniw, ken panagpabuya iti pelikula.
NAIPASNGAY ti National Heritage Month (Nailian a Bulan ti Tawid) babaen ti Presidential Proclamation No. 439 a napirmaan idi Agosto 11, 2003, a nakaideklaraan ti Mayo iti tinawen a kas National Heritage Month. Panangbigbig daytoy iti panagkasapulan iti pannakaimula iti panunot dagiti umili ti panangipangpangruna, dayaw, ken panangipagpannakkel kadagiti naisangsangayan a pakalaglagipan iti kultura ken pakasaritaan ti Filipinas, ken panagayat iti pagilian.
Ita a tawen, idauluan ti Subcommission on Cultural Heritage ti NCCA nga idauluan ni Regalado Trota Jose ti parambak, a nangisagana kadagiti nadumaduma nga aktibidad iti sibubukel a bulan a manamnama a mangtaraon iti kararua. Babaen ti tema a “Taoid: Weaving our Stories, Threading our Paths”, maiparang dagiti naisangsangayan a ladawan ti napalabas ken no kasano a nagtalinaedda a mangsuksukog iti agdama ken masakbayan. Pammigbig ken parambak daytoy kadagiti nadumaduma nga aspeto ti nailian a kultural a tawidtayo— dagiti kannawidan a porma ken wagas ti arte, napapateg nga estruktura kultural mayakar man ken di mayakar, ken dadduma pay a banag nga addaan iti nailian a pateg, makita man daytoy wenno saan.
Ni Ogie Alcasid a mabigbig a kumakanta ken kompositor ti natudingan a Heritage Ambassador ti NCCA ita a tawen. Ni met NCCA Executive Director Malou Jacob ti dadaulo ti nasao nga ahensia.—O
(Bannawag, Mayo 23, 2001)
Narambakan Dagiti Kannawidan ken Tawid iti Cordillera Region
NAIWAYAT iti Tam-Awan Village iti Baguio City ti Second Tam-Awan International Arts Festival (TIAF) itay Mayo 13-15 2011. Mayannurot daytoy iti pannakarambak ti Nailian a Bulan ti Tawid (National Heritage Month) itoy Mayo ken idauluan ti National Committee on Art Galleries ti NCCA ken ti Chanum Foundation, Inc.
Nagrikudo daytoy maikadua a TIAF iti tema a “Weaving Through the Arts” kas mayannurot met laeng iti tema ti National Heritage Month itoy a tawen a “Taoid: Weaving our Stories, Threading our Paths.”
Nailaga met iti kultura iti Cordillera Region ti panagabel wenno panaglaga. Kinapudnona, addaan dagiti innem a probinsia iti Cordillera iti kabukbukodan nga abel ken wagas ti panagabel, nga isu met ti maiparang ken marambakan iti TIAF.
Malaksid iti dayta, panggep ti TIAF a gutigoten dagiti agtutubo nga agbalin a paset ti arte ken maluktan ti kananakemda kadagiti pito a tay-ak wenno wagas ti panangyebkas iti karirikna; maasa ti kinamanagpartuatda babaen dagiti lektiur ken workshop; maadalan saan laeng dagiti agtutubo no di pay ket ti sibubukel a komunidad iti pakasaritaan ken naaramidan ti arte iti Baguio City; matagiben ti panagsisinnukat iti kultura, impormasion ken kabaelan; magutigot dagiti agdama nga artisano a mangibinglay iti ammoda ken mangpatan-ay kadagiti baro nga artisano para iti sumaruno a henerasion; ken mapalangto ti panagkikinnaawatan, panagdidinnayaw, ken panagkikinnabsat dagiti artisano iti lokalidad, pagilian ken iti sangalubongan.
Nasurok a sangaribu a delegado ti nangsaksi ken nakipaset kadagiti nadumaduma nga aktibidad a pakairamanan dagiti art workshops, exhibition, lektiur mainaig iti tawid, workshop ken panagpabuya iti pito a tay-ak ti arte, performances, konsierto, panagbasa iti daniw, ken panagpabuya iti pelikula.
NAIPASNGAY ti National Heritage Month (Nailian a Bulan ti Tawid) babaen ti Presidential Proclamation No. 439 a napirmaan idi Agosto 11, 2003, a nakaideklaraan ti Mayo iti tinawen a kas National Heritage Month. Panangbigbig daytoy iti panagkasapulan iti pannakaimula iti panunot dagiti umili ti panangipangpangruna, dayaw, ken panangipagpannakkel kadagiti naisangsangayan a pakalaglagipan iti kultura ken pakasaritaan ti Filipinas, ken panagayat iti pagilian.
Ita a tawen, idauluan ti Subcommission on Cultural Heritage ti NCCA nga idauluan ni Regalado Trota Jose ti parambak, a nangisagana kadagiti nadumaduma nga aktibidad iti sibubukel a bulan a manamnama a mangtaraon iti kararua. Babaen ti tema a “Taoid: Weaving our Stories, Threading our Paths”, maiparang dagiti naisangsangayan a ladawan ti napalabas ken no kasano a nagtalinaedda a mangsuksukog iti agdama ken masakbayan. Pammigbig ken parambak daytoy kadagiti nadumaduma nga aspeto ti nailian a kultural a tawidtayo— dagiti kannawidan a porma ken wagas ti arte, napapateg nga estruktura kultural mayakar man ken di mayakar, ken dadduma pay a banag nga addaan iti nailian a pateg, makita man daytoy wenno saan.
Ni Ogie Alcasid a mabigbig a kumakanta ken kompositor ti natudingan a Heritage Ambassador ti NCCA ita a tawen. Ni met NCCA Executive Director Malou Jacob ti dadaulo ti nasao nga ahensia.—O
(Bannawag, Mayo 23, 2001)
Comments
Post a Comment