World-class ti Samiweng Singers

World-class ti Samiweng Singers

WORLD-CLASS met ti talent-tayo nga Ilokano, Kabagis.

Ania ti pammaneknek?

Maysa daytoy Samiweng Singers manipud iti Ilocos Norte National High School (INNHS) a nangatiw kas over-all winner iti umuna a Vietnam International Choir Competition.

Internasional, Kabagis. Nasurok a 30 a choir manipud iti 12 a pagilian ti inatiwda. Isuda ti over-all a kampeon ta nangabakda iti dua a kategoria— Children’s Music category, ken Sacred Music category.

Ken saan laeng a padada nga estudiante ti inatiwda, Kabagis. Mabigbigbig met a choir dagitoy a pagkamengan dagiti nataengan.

Di ketdin naglalaing dagitoy nga agtutubo nga Ilokano, Kabagis?

* * *

Mayannatup kadakuada ti naganda.

Di kadi ti Samiweng ket manipud iti napagtipon a “nasam-it nga aweng”?

Wen, pudno a nasam-it ti aweng ti timek dagitoy nga agtutubo, Kabagis.

Ket bigbigenda a dakkel ti naitulong ni Apo Robert Caluya, a maestro iti musika ken arte iti nasao a pagadalan. Isu ti nangbuangay iti nasao a choir, ken agserserbi agingga ita a kas conductor. Tumultulong kenkuana ti dati a kameng ti choir a ni Sherbert F. Cabrales.

Ania ti sikreto ni Apo Caluya ta napagbalinnan dagitoy nga ubbing a world-class a kumakanta?
3D, kano, Kabagis.

Direction, dedication ken discipline. Nalawag nga arapaap wenno panggep. Panangitalimudok iti rikna iti ar-aramiden. Naannad a panangiwayat iti aramid.

Dayta ti naynay nga ibalakad ni Apo Caluya kadagiti kameng ti Samiweng Singers.

Ket ammotayon ti resultana, Kabagis.

* * *

Sakbay ti panangabakda idiay Vietnam, nangat-atiw metten ti Samiweng Singers iti pagilian. Kas iti panagkampeonda iti 2002 National Music Competitions for Young Artists (NAMCYA) ken panagsegundada iti 1st CCP Choral Competition idi 2009

Nakiparpartisiparda metten kadagiti nadumaduma a Music Festival iti pagilian.

Idi 2004, inrekordda iti maysa nga album dagiti kanta a kinankantadan sipud nabuangay ti choir.

Maysa a nairut a dakulap kadagiti amin a kameng ti Samiweng Singers.

Agbiagkayo!—O

(Manipud iti "Di Pay Naluto, Naibusen" a kolum ni Apo Angelo 'Eloy' Padua iti Bannawag.)

Comments

  1. ReyJuly 7, 2011 at 12:40 AM

    mayat, maysa ak nga ilocano ngem marigatanak pay nga agbasa ti ilocano.

    Congratulations to all Samiweng Singers and may the blessings of Almighty Father continue to bless you.

    ReplyDelete

Post a Comment

Popular posts from this blog

VOICE TAPE

Image
VOICE TAPE   Kuwento ni ARIEL SOTELO TABÁG (Updated Version) Photo credit:  ask.metafilter.com NITONG pinakahuling bakasyon ko sa bayan kong Santa Teresita sa Cagayan, nanariwa ang alaala ko labingwalong taon na ang nakararaan—iyong taon na may nangyari kay Tito Ato, ang kapatid ni Nanay na sumunod sa kaniya.   Noong hinahanap namin ni Nanay ang mga sertipiko ng mga awards ko sa elementarya at hayskul para magamit ko bilang pampakapal ng credentials ko bilang titser sa Maynila, may ‘ibang bagay’ pa kaming nahanap.   Sabi ni Nanay, inilagay niya ang mga sertipiko sa lumang envelope bag na may markang LA na napanalunan niya sa pagkaskas ng balat ng nasabing brand ng sigarilyo. Nang mahanap at mabuksan namin ang bag, wala ang mga sertipiko.   Iyon   pala, nakarolyo at nakasilid ito   sa isa sa apat na piraso ng buho na pinaglagyan ni Nanay ng aming birth certificate . (Tatlo lang kaming magkakapatid at hindi na sila sumagad sa apat sa hirap ng buhay.)     Bago
Adda pay nayonna

ARIEL SOTELO TABAG

Image
ARIEL SOTELO TABAG (born August 16, 1978), is an Ilokano fictionist, poet, editor, and translator. He has received awards for his Ilokano literary works. He is the author of Karapote (collection of Ilokano short stories), Ay, Ni Reberen! (novel in Ilokano), Panangarakup iti Ipus ti Layap (collection of Ilokano poetry), Kapessat ti Bagis (novel in Ilokano), and Panangsapul iti Puraw a Kabalio (novel in Ilokano). He has also translated in Filipino: Samtoy, an anthology of Ilokano short stories, two dramas of Mena Pecson Crisologo, and the Ilokano epic Biag ni Lam-ang (The Life of Lam-ang). He works as Editorial Staff of Bannawag, the Ilokano literary magazine. As a musician, he plays bass guitar for Ilokano band Manong Diego (formerly Samtoy). With Mighty C. Rasing, another Ilokano writer-musician, they started Danirock, a poetry performance with rock music. Life Tabag was born on 16 August 1978 in Villa, Santa Teresita, Cagayan, Philippines. He finished his AB Philosophy (1999)
Adda pay nayonna

Samiweng ni Ayat

(patarus ti "Lovesong" ti The Cure para iti cover ti Manong Diego) Tunggal addaak iti sidongmo Mariknak, addaak a sitataeng Tunggal addaak iti sidongmo Mariknak, sibubukelak manen Tunggal addaak iti sidongmo Mariknak, agtutuboak manen Tunggal addaak iti sidongmo Mariknak, maray-awak manen Uray addaak adayo Ay-ayatenka, dungngo Uray ababa ‘toy biag Ay-ayatenka, dungngo Uray aniat’ ibagak Ay-ayatenka, dungngo Ay-ayatenka, dungngo Tunggal addaak iti sidongmo Mariknak, nawayaak manen Tunggal addaak iti sidongmo Mariknak, nadalusak manen Uray addaak adayo Ay-ayatenka, dungngo Uray ababa ‘toy biag Ay-ayatenka, dungngo Uray aniat’ ibagak Ay-ayatenka, dungngo Ay-ayatenka, dungngo Lovesong Whenever I'm alone with you You make me feel like I am home again Whenever I'm alone with you You make me feel like I am whole again Whenever I'm alone with you You make me feel like I am young again Whenever I'm alone with you You make me
Adda pay nayonna