Eksibit dagiti pintor nga Ilokano
Tapno mailagip ti kinatan-ok ti mabigbig a kalaingan a pintor a Filipino a ni Juan Luna ken kaunaan a Filipino a nangted iti dayaw ti Filipinas iti sangalubongan iti tay-ak ti panagpinta, ipabuya dagiti pintor nga Ilokano ken kameng ti Batang Pinoy Artists (BPA) dagiti partuatda iti Manila Grand Opera House Hotel manipud iti Set. 30 agingga Okt. 31 2009. Ni Rey R. Resurreccion, apoko ni Juan Luna, ti pangulo ken chairman ti Batang Pinoy Artists.
Kalpasan ti exhibition iti Manila, agpabuya dagitoy Ilokano a pintor inton Okt. 23 nga anibersario ti pannakaipasngay ni Juan Luna iti iti Embahada ti Filipinas iti Washington DC, U.S.A.. Napatulodan iti imbitasion ni US President Barack Obama, ken ti asawa daytoy a ni Michelle Obama kas bisita iti pabuya dagiti pintor. Naawis pay da Mr. and Mrs. Robert Jordan, opisial ti Embahada ti America iti Filipinas, ken ni Embahador Willie C. Gaa iti Embahada ti Filipinas iti America.
Karaman met kadagiti maipabuya nga obra ti partuat dagiti Ilokano a nakabase iti America a kas kada Jun Silva, Mike Miguel, Windell Rebultan, Jun Rocha, Matt Relox ken Val Navarro.
Pagtitinnulongan dagitoy a pintor ti maysa nga "Interaction Painting" a maisagut kadagiti agassawa nga Obama.
Kalpasan ti eksibit iti America, agturong ti grupo ti BPA iti Madrid, Espania ket agpabuyada iti Universidad Central de Madrid inton Nobiembre 3-8. Isagut met dagiti Ilokano a pintor ti painting nga obra maestra ni Juan Luna, ti "Espanya Y Filipinas" ken ni Ari Carlos II. Ni Ana Ines de Sequera-Ugarte, ti Embahador ti Filipinas iti Espania, ti mangipasiar kadagiti Ilokano nga pintor kadagiti nadumaduma a lugar a nagtalinaedan idi ni Juan Luna ken nangted iti inspirasion tapno makaaramid kadagiti premiado nga obra a dinaydayaw dagiti ganggannaet ken nangangato a tattao iti benneg ti kultura ken arte iti Europa. Makiinnumanto dagiti Ilokano a pintor kadagiti Kastila nga estudiante ken propesional tapno awisenda dagiti pintor makipartisipar iti "First Philippine Art Festival" inton Nob. 20-26 ditoy Manila.
(Naipablaak iti Bannawag, Setiembre 21, 2009, p. 34.)
Kalpasan ti exhibition iti Manila, agpabuya dagitoy Ilokano a pintor inton Okt. 23 nga anibersario ti pannakaipasngay ni Juan Luna iti iti Embahada ti Filipinas iti Washington DC, U.S.A.. Napatulodan iti imbitasion ni US President Barack Obama, ken ti asawa daytoy a ni Michelle Obama kas bisita iti pabuya dagiti pintor. Naawis pay da Mr. and Mrs. Robert Jordan, opisial ti Embahada ti America iti Filipinas, ken ni Embahador Willie C. Gaa iti Embahada ti Filipinas iti America.
Karaman met kadagiti maipabuya nga obra ti partuat dagiti Ilokano a nakabase iti America a kas kada Jun Silva, Mike Miguel, Windell Rebultan, Jun Rocha, Matt Relox ken Val Navarro.
Pagtitinnulongan dagitoy a pintor ti maysa nga "Interaction Painting" a maisagut kadagiti agassawa nga Obama.
Kalpasan ti eksibit iti America, agturong ti grupo ti BPA iti Madrid, Espania ket agpabuyada iti Universidad Central de Madrid inton Nobiembre 3-8. Isagut met dagiti Ilokano a pintor ti painting nga obra maestra ni Juan Luna, ti "Espanya Y Filipinas" ken ni Ari Carlos II. Ni Ana Ines de Sequera-Ugarte, ti Embahador ti Filipinas iti Espania, ti mangipasiar kadagiti Ilokano nga pintor kadagiti nadumaduma a lugar a nagtalinaedan idi ni Juan Luna ken nangted iti inspirasion tapno makaaramid kadagiti premiado nga obra a dinaydayaw dagiti ganggannaet ken nangangato a tattao iti benneg ti kultura ken arte iti Europa. Makiinnumanto dagiti Ilokano a pintor kadagiti Kastila nga estudiante ken propesional tapno awisenda dagiti pintor makipartisipar iti "First Philippine Art Festival" inton Nob. 20-26 ditoy Manila.
(Naipablaak iti Bannawag, Setiembre 21, 2009, p. 34.)
Comments
Post a Comment