Doble Tres: Kabessat ti Bagis
Kabessat ti Bagis
Nakaay-ayat ken naisangsangayan
Ta agingga ita, adda pay laeng dagiti nagputdan
Ti pusegtayo a binungon ken sinalimetmetan
Ni nanang iti tukot ti lakasa, kaduana ti naitubong
A nalukot a birth certificate-tayo ken dagiti mapirpirpiranen
A black and white a ladawan ti nagbuniagan
Ken ipapan isusuknal ken ni Apo Baket iti Piat.
Isapatak a no malaglagipkayo, kas ita nga addaak
A maymaysa iti sango ti kompiuter idinto a dakayo
Adda iti sidong dagiti bukodyo a pannakigasanggasat,
Umun-una dagiti panagtiltiliwtayo iti lawwalawwa;
Panagpuros iti tultullaya, los baños, bayyabas, ariwat;
Panagbirok iti uong; panagburas iti mani, sandia, utong,
Tarong, paria; panaggapas iti sangadakulapan a kinelleng
A para kadagiti agtutubo a kas kadatayo, awanan patinggana
A panagtutuok; panagkalintuduan iti umuna a tudo ti Mayo
Wenno panagbatok iti alinuno wenno iti apagsalapasap a waig.
Sumaruno pay dita ti panagtutudo a makirkirog ti pinipig
A banuog, agkankantatayo iti “bambantay turturod ti ayanmi”
Ken “idi ubingak a bassit” sa sagpaminsan singaentayo ni tatang
Iti panagkitikitna iti sinan-nuang, -billit, -kabalio, -balasang,
Tapno adda ibisti ni nanang iti nakurapay a salas
Ket adda kadua dagiti nagrerekket a ladawantayo iti eskuelaan
Wen, maud-udi ti lagip ti masansan a panangibagbaga ni nanang
A naguguapo ken nagaggaget ni Dison ngem siak; a masapul
Nga an-anusak ni Icel nga isuro gapu ta saan a naparaburan
Iti nasidap nga utek ket masuronak gapu ta patiek idi a saanko
A pagrebbengan— agpadan a katkatawaak dagitoy
Ta kas iti pagsasao, nayisbokon ti kinamanagpuntualisko.
Sagpaminsan, agsasaraktayo ket umanayen a katkatawaantayo
Dagiti linia manipud kadagiti anekdota ti pamilia
Ket no masagid dagiti nadadagsen nga isyu, tratarentayo
Iti wagas ti kaamaan: nalag-an ken nakaay-ayat;
Awan ti ading, awan ti manong— kas iti panangreppet ni nanang
Kadagiti nagputdan iti puseg, maymaysa a nagtimbukel, nagtitipkel.
Agosto 8, 2011
Nakaay-ayat ken naisangsangayan
Ta agingga ita, adda pay laeng dagiti nagputdan
Ti pusegtayo a binungon ken sinalimetmetan
Ni nanang iti tukot ti lakasa, kaduana ti naitubong
A nalukot a birth certificate-tayo ken dagiti mapirpirpiranen
A black and white a ladawan ti nagbuniagan
Ken ipapan isusuknal ken ni Apo Baket iti Piat.
Isapatak a no malaglagipkayo, kas ita nga addaak
A maymaysa iti sango ti kompiuter idinto a dakayo
Adda iti sidong dagiti bukodyo a pannakigasanggasat,
Umun-una dagiti panagtiltiliwtayo iti lawwalawwa;
Panagpuros iti tultullaya, los baños, bayyabas, ariwat;
Panagbirok iti uong; panagburas iti mani, sandia, utong,
Tarong, paria; panaggapas iti sangadakulapan a kinelleng
A para kadagiti agtutubo a kas kadatayo, awanan patinggana
A panagtutuok; panagkalintuduan iti umuna a tudo ti Mayo
Wenno panagbatok iti alinuno wenno iti apagsalapasap a waig.
Sumaruno pay dita ti panagtutudo a makirkirog ti pinipig
A banuog, agkankantatayo iti “bambantay turturod ti ayanmi”
Ken “idi ubingak a bassit” sa sagpaminsan singaentayo ni tatang
Iti panagkitikitna iti sinan-nuang, -billit, -kabalio, -balasang,
Tapno adda ibisti ni nanang iti nakurapay a salas
Ket adda kadua dagiti nagrerekket a ladawantayo iti eskuelaan
Wen, maud-udi ti lagip ti masansan a panangibagbaga ni nanang
A naguguapo ken nagaggaget ni Dison ngem siak; a masapul
Nga an-anusak ni Icel nga isuro gapu ta saan a naparaburan
Iti nasidap nga utek ket masuronak gapu ta patiek idi a saanko
A pagrebbengan— agpadan a katkatawaak dagitoy
Ta kas iti pagsasao, nayisbokon ti kinamanagpuntualisko.
Sagpaminsan, agsasaraktayo ket umanayen a katkatawaantayo
Dagiti linia manipud kadagiti anekdota ti pamilia
Ket no masagid dagiti nadadagsen nga isyu, tratarentayo
Iti wagas ti kaamaan: nalag-an ken nakaay-ayat;
Awan ti ading, awan ti manong— kas iti panangreppet ni nanang
Kadagiti nagputdan iti puseg, maymaysa a nagtimbukel, nagtitipkel.
Agosto 8, 2011
Comments
Post a Comment