Doble Tres: No Agdaldaliasatak
No Agdaldaliasatak
Uray iti maymaysa laeng a papanan
Masansan a pampanunotek ti baro a pagnaan
No sadino ti naparpartak, no dadduma,
No sadino ti nabaybayag; no sadino
Ti naan-annayas, no dadduma, no sadino
Ti narikrikut. Pakarikutak met no agluganak
Iti bus, wenno dyip, wenno fx; no dadduma,
Uray pedicab wenno maki-hits-nak iti lugan
Ti bombero, wenno ambulansia
Wenno delivery van wenno lugan ti puneraria
Nga awanen ti nagyanna ket pumabanurboren
Ti pamay-an ti drayber bayat ti panagdengdengngegna
Iti “Bed of Roses” ti Bon Jovi; masulisogak pay
No dadduma a mangitaray iti bisikleta
Nga inton maluganak ket magic bicycle gayam
Dagiti carnapper ken holdaper ti banko
Ket kamatennak dagiti police patrol ket isiwetsiwetko ida
Kadagiti eskinita, national road, expressway ken flyover
Sa katkatawaakto ida nga agmaymaysa inton makadanonakon
Iti opisina ket umanayto metten a mamagkatawa
Kadagiti kaopisinaak ti naisangsangayan a padasko.
Awan met bibiangko kadagiti malabsak
Ngem apay ketdi a masansan nga umagibas iti panunotko
A madugsit ti kutit ti naluganak wenno isu ti mangdugsit
Ket agapa dagiti drayber a ti maysa gayam ket di makatepteppel
Ta adda paltog a pagkaritna ket iti sanguananmi
Mapapatay, mapaltogan ti pispis ti drayber ti nagluganak
Ket gapu ta addaak sadiay, interbiuwendakto dagiti reporter
Ti telebision— kuntodo muestra ken nagsagaysayakton:
Ukininana, naparsiakannak pay iti utekna!
Dayta, dayta ti kayatko nga ibaga iti sangapagilian
A maayatan a kanayon iti naaksion a mabuya.
Ad-adda a masansan a kayatko ti magmagna koma
A mapan iti papanak ta kayatko a maanag
Dagiti amin a malabsak wenno dagiti amin a makitak
Ken amin a mabaddekan, amin a mangngegko.
Kayatko a mainitanak, wenno maslep iti pettat
A bayakabak wenno daytay ket koma maregmeg
Ti yelo, nay, tapno kalpasan ti napudot a nangbalkot
Iti bagik, sumnek iti kaunggak ket tennebenna
Amin a lalaemko tapno natibker a makidinnaeg
Kadagiti amin a bayrus wenno sakit iti daytoy a siudad.
Wen, kaykayatko ti magmagna a dumanon iti papanak
Tapno agpannuray amin iti utek ken bagik ti idadanonko
Ta no adayo, parbangon pay laeng, magmagnaakon
Wenno no asideg, mabalinko met ti manguddakudday laeng
Kasla daytay nakilumba iti bisikleta idiay ayanmi a kutit
Ngem saan a nasakit ti nakemna a naatiw ta napimpintas kano
Ti agbuya iti lumba no sika mismo, nakilumba met. Lokdit!
Ngem masapul met nga agluganak tapno saanak a maladaw
Iti papanak ket saanak a maikkat iti trabaho ket saanak
Nga agkatangkatang iti daytoy a siudad nga amin sa aminen
A makitam, agtartaray, wenno natrapik, wenno agdidinniskutir.
Agosto 11, 2011
Uray iti maymaysa laeng a papanan
Masansan a pampanunotek ti baro a pagnaan
No sadino ti naparpartak, no dadduma,
No sadino ti nabaybayag; no sadino
Ti naan-annayas, no dadduma, no sadino
Ti narikrikut. Pakarikutak met no agluganak
Iti bus, wenno dyip, wenno fx; no dadduma,
Uray pedicab wenno maki-hits-nak iti lugan
Ti bombero, wenno ambulansia
Wenno delivery van wenno lugan ti puneraria
Nga awanen ti nagyanna ket pumabanurboren
Ti pamay-an ti drayber bayat ti panagdengdengngegna
Iti “Bed of Roses” ti Bon Jovi; masulisogak pay
No dadduma a mangitaray iti bisikleta
Nga inton maluganak ket magic bicycle gayam
Dagiti carnapper ken holdaper ti banko
Ket kamatennak dagiti police patrol ket isiwetsiwetko ida
Kadagiti eskinita, national road, expressway ken flyover
Sa katkatawaakto ida nga agmaymaysa inton makadanonakon
Iti opisina ket umanayto metten a mamagkatawa
Kadagiti kaopisinaak ti naisangsangayan a padasko.
Awan met bibiangko kadagiti malabsak
Ngem apay ketdi a masansan nga umagibas iti panunotko
A madugsit ti kutit ti naluganak wenno isu ti mangdugsit
Ket agapa dagiti drayber a ti maysa gayam ket di makatepteppel
Ta adda paltog a pagkaritna ket iti sanguananmi
Mapapatay, mapaltogan ti pispis ti drayber ti nagluganak
Ket gapu ta addaak sadiay, interbiuwendakto dagiti reporter
Ti telebision— kuntodo muestra ken nagsagaysayakton:
Ukininana, naparsiakannak pay iti utekna!
Dayta, dayta ti kayatko nga ibaga iti sangapagilian
A maayatan a kanayon iti naaksion a mabuya.
Ad-adda a masansan a kayatko ti magmagna koma
A mapan iti papanak ta kayatko a maanag
Dagiti amin a malabsak wenno dagiti amin a makitak
Ken amin a mabaddekan, amin a mangngegko.
Kayatko a mainitanak, wenno maslep iti pettat
A bayakabak wenno daytay ket koma maregmeg
Ti yelo, nay, tapno kalpasan ti napudot a nangbalkot
Iti bagik, sumnek iti kaunggak ket tennebenna
Amin a lalaemko tapno natibker a makidinnaeg
Kadagiti amin a bayrus wenno sakit iti daytoy a siudad.
Wen, kaykayatko ti magmagna a dumanon iti papanak
Tapno agpannuray amin iti utek ken bagik ti idadanonko
Ta no adayo, parbangon pay laeng, magmagnaakon
Wenno no asideg, mabalinko met ti manguddakudday laeng
Kasla daytay nakilumba iti bisikleta idiay ayanmi a kutit
Ngem saan a nasakit ti nakemna a naatiw ta napimpintas kano
Ti agbuya iti lumba no sika mismo, nakilumba met. Lokdit!
Ngem masapul met nga agluganak tapno saanak a maladaw
Iti papanak ket saanak a maikkat iti trabaho ket saanak
Nga agkatangkatang iti daytoy a siudad nga amin sa aminen
A makitam, agtartaray, wenno natrapik, wenno agdidinniskutir.
Agosto 11, 2011
Comments
Post a Comment