ARIEL SOTELO TABÁG

sumagmamano a linia ti daniw iti rabii sumagmamano met a milia ti diaging iti agsapa ti immuna tapno di kumsen ti utek ti naud-udi tapno di bumsog ti boksit ast 12/11/2009

aginit sa agtudo imbes a kalbo masal-it politiko (manipud iti kannawidan a kanta nga "agin-init, agtudtudo/ matay amin a kalbo") ast 12/10/2009

sakbay a makapagtitinnagbatda gapu iti sangkailgat a daga, innaput ni amangda ti barukongna-- nanabtuog, naudatal: bagas ti u... ti naglakuanda iti daga pinagpakanda iti nakimassayag, inggatangda iti lungon ken lapida, ken nagtitinnagbatanda... ast 12/9/2009

ta kompiuter sakbay a maiddepka a mulmulagatan ti lubong ast 12/8/2009

Nagsapata dagiti baro a kameng ti Hunta Direktiba ti GUMIL Filipinas bayat ti maikatlo a regular a board meeting ti gunglo dagiti mannurat nga Ilokano iti Filipinas ken iti ballasiw-taaw idi Nob. 29 iti Currimao, I.N. Dagitoy a baro a direktor ti mangpunno iti pagkurkurangan ti bilang dagiti kameng ti Hunta Direktiba ti gunglo nga agtakem agingga iti 2011. Dagiti nagsapata: Freddie G. Lazaro ti Philippine Information Agency (auditor), Rosario Bingayen ti DepEd (direktor), Avelina Camacho ti DepEd (direktor) ken 2005 PB Awardee Arsenio B. Cortez (direktor). Sakbayna, nadutokan ni dati a News Editor ti Bannawag Eliseo B. Contillo a direktor ngem di nakadar-ay iti panagsapata. Iti sabali a bangir, maangay ti special meeting ti gunglo inton Enero 3, 2010 a pakatamingan ti pakaangayan ti 42nd GF Convention inton Abril 9-11, 2010. (Sherma E. Benosa) Bannawag, Disiembre 14, 2009.

lumabas latta ti angin a di madmadlaw agparintumeng iti pamulinawen a bingkol a nakasursuron nga agtaraok iti agmatuon, wenno sirokenna dagiti am-ammangaw kadagiti kalapaw tapno tumapuakda iti bangsal ket sumpokda iti kasipngetan sakbay a mapuoranda iti anglem a taptapayaen ti bannawag… ngem masaksianna: di maipangag ti kararag iti away a nangitaleken iti riknana iti siudad a mangkakaut met iti angesna iti rinibu a partuat ti pamulinawen nga utek— mangipaay pay iti sandi a biag ket agtignay iti addang ti elektroniko a buton a pispislen ti utek met laeng: dagitoy iti kuadrado a pagorasan, daulo ken wanwan. ammona: addaan ti nakaparsuaan iti bukod a wagas a pangagas kadagiti sugatna mangngegna: ti danapeg dagiti pungtot a naglugan iti kimat ken gurruod ania ti maisungbat? dung-aw… maimatanganna: ti panagkalikagum ti danum iti panagpatas dagiti pasdek ken dagiti tangrib kanunonganna: ti pannakaipadaga dagiti agrupsa ken dagiti saan a mataginayon… narnekan iti barukongna ti maladaga: ti an...

NATUNGPALEN ti arapaap ti dua kadagiti paboritotayo a kumakanta iti Amianan, da Vhen Bautista nga am-ammo a kas "Prince of Ilocano Songs" ken Melo Santiago a nalatak met iti awagna a "The Mellow Songtress", nga agtipon iti maymaysa nga album— ti "Nalayog nga Arapaap" a nairuar iti merkado itay nabiit. Nangrugi ti career da Vhen ken Melo kas kumakanta idi 1990 iti programa ti DWLW Radyo Budyong a "Bukros a Bukangkang". Manipud dita, nagbalinda nga aktibo a recording artists— ken concert artists, ket adun ti nagpabpabuyaanda iti nadumaduma a paset ti Ilocos Region ken iti ballasiw-taaw. Maysa kadagiti kaudian a nagkonsiertuan ni Melo idiay Hong Kong babaen ti awis dagiti nadumaduma nga organisasion dagiti Filipino sadiay. Kaduana sadiay a nag-perform da Noraline Domingo ken Grace Saddam, ken dadduma pay a nalatak a kumakanta iti Ilokandia. Iti biang ni Vhen (a nabayag metten nga adda iti Estados Unidos), adu latta dagiti organisasion dagiti Filipin...

no di aginana ti kanito, di mapupuotan ti panangtagikua ti sipnget iti lawag; di masaksian ti panangwaknit ti lawag iti sipnget: maulaw ti lubong iti awan kaes-eskanna a panagpuligos... asseng dis 2, 2009, 4:54am

Rambakan ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, ti maika-43 nga anibersariona ken Christmas Program-na inton Dis. 13, 2009, 10 A.M. iti Child Jesus College, Bagong Silang, Caloocan City nga imatonan da agkaingungot a Jose ken Crispina Bragado, kas impakaammo ni Engr. Ansel D. Cargo, presidente ti gunglo. Ni Judge Vivencio S. Baclig, tubo iti Cabugao, Ilocos Sur ken presiding judge ti Quezon City Regional Trial Court, ti agpaay a keynote speaker. Para iti dadduma pay nga impormasion, umawag iti 400-0089, agteks iti 0918-745-8792 wenno ag-email iti arieltabag@yahoo.com. (Ma. Rose A. Cabie) (Naipablaak iti Bannawag, Disiembre 7, 2009 a bilang.)

Maragsakan ti GUMIL Filipinas babaen ti Seminar-Workshop Committee a mangipakaammo nga adda maangay a workshop para kadagiti agdadamo a mannurat inton Pebrero 2010 iti Currimao Ilocos Norte babaen ti pannakitinnulong ti GF Workshop Committee iti GUMIL Ilocos Norte a mang-host iti nasao a a panagiinnadal. Mainaig ditoy, agaw-awaten ti gunglo kadagiti manuskrito dagiti agdadamo a mannurat manipud iti probinsia iti Ilocos Norte, Ilocos Sur, ken Abra para iti umuna a workshop nga ituyang ti gunglo. Sangapulo a manuskrito ti maikkan iti gundaway a ma-workshop dagiti premiado a mannurat nga Ilokano: 4 a sarita, 3 a daniw, 1 a sarilaysay (creative non-fiction),1 a bukanegan, ken 1 a pangorona a daniw. Maibilang nga agdadamo ti autor no saan pay a nakaipablaak iti Bannawag iti di nasursurok ngem dua iti benneg a sumalianna. Dagiti pagalagadan: 1. Nasken nga orihinal, di naipatarus manipud iti sabali a lengguahe, ken saan pay a naipablaak ti idatag a manuskrito. 2. Nawaya ti autor a mangpili it...

Maisagsaganan ti dua a libro ti GUMIL Filipinas: antolohia dagiti napili a sarita dagiti Ilokano, ken antolohia dagiti napili a dandaniw dagiti Ilokano. Agpaay nga editor ti antolohia dagiti sarita da Juan Al. Asuncion, Literary Editor ti Bannawag, ken Efren A. Inocencio, premiado a mannurat ken mangisursuro iti Quiling Elementary School, Batac, Ilocos Norte. Idinto nga agpaay nga editor ti antolohia dagiti napili a dandaniw da Joel B. Manuel, premiado a mannurat ken prinsipal ti Banna National High School, ken Ariel S. Tabag, Poetry Editor ti Bannawag. PAGALAGADAN ITI PANAGIDATAG 1. Iti sarita, dua a di pay naipablaak wenno naipablaaken iti magasin, wenno dadduma pay a babasaen/ti idatag. Idinto nga iti daniw, lima ti idatag. No naipablaaken, masapul nga adda notasion iti baba dagiti sinurat mainaig iti detalye ti pannakaipablaak daytoy. Maysa laeng ketdi a sarita ti maipablaak, idinto nga agingga iti tallo iti daniw. 2. Mapakuyogan dagiti sinurat iti pakasaritaan ti biag ti autor ...

Linuktan itay nabiit ti GUMIL Ilocos Norte ti pasalipna iti panagsurat iti sarita para kadagiti agdadamo a mannurat. Dagiti pagannurotan: 1. Mangrugi ti salip iti Dis. 1, 2009 ken aggibus iti Peb. 28, 2010. Silulukat ti salip kadagiti amin a nayanak ken agindeg iti Ilocos Norte a di pay nakaipablaak iti ania man a sinurat iti ania man a pagiwarnak wenno magasin (saan a karaman kadagitoy a magasin dagiti school papers). 2. Agatiddog ti sarita iti 7-10 a panid, siwawayawaya ti mannurat nga agpili iti topiko a suratenna, maikompiuter iti doble espasio iti 8-½” x 11” a bond paper iti 12 points Times New Roman. 3. Maysa laeng a sarita ti isalip ti kada mannurat. Ipatulod iti uppat a kopia ken maysa a CD. Parbo a nagan ti usaren ti autor. Pakuyogan ti pakisalip iti narikpan a sobre a naglaon iti paulo ti sarita, pudno ken parbo a nagan ti autor, kompleto nga adres ti pagtaengan wenno ti pagtrabahuan agraman numero ti telepono, selpon ken/wenno e-mail, maysa a nalawag a ladawan ken ababa a pa...

Marugian itoy umuna a lawas ti Disiembre ti salip iti Miss GUMIL Ilocos Sur 2010 ket aggibus daytoy inton Marso a pannakapadayaw ti mangabak a reyna ken dagiti bayabayna iti koronasion a maangay iti siudad ti Vigan. Kinuna ni GIS President Ed Angco, maysa daytoy a popularity contest nga agpanggep mangparangen iti espiritu ti panangipateg iti bukod a literatura ken kultura. Inlawlawagna mausarto ti mapastrek para kadagiti proyekto ti gunglo kas iti pannakailibro dagiti mapili a sinurat dagiti kamengna, ken ti pannakaukkon dagiti memorabilia a maipabuyanto iti opisina ti GIS a masarakan iti University of Northern Philippines iti Vigan. Silulukat ti salip kadagiti babbalasang nga Ilokana nga agindeg iti Ilocos Sur, agtawen iti 15- 25, estudiante man iti haiskul, kolehio wenno nagturposen. Mangrugi nga agaklon iti kandidata ti GIS inton Disiembre 1. Tunggal kandidata mangabak man wenno saan, addanto maited a gunggonana a 30% ti maipastrekna a kuarta. Mabalin a kontaken ti GIS babaen ti e...

In partnership with Eastwood Mall, we will be launching our new storybooks at 2:00 P.M., on November 28 (Saturday) at the third floor of Eastwood Mall. Our new storybooks include this year's PBBY-Salanga Prize and PBBY-Alcala Prize winner, May Higante sa Aming Bahay . The event also serves as part of our book drive for the typhoon victims—for every 500 pesos you buy, you will be donating 1 storybook to UNICEF for the benefit of those affected by typhoons Ondoy and Pepeng. Raya School presents Hinabing Haraya The Raya School, Adarna House's laboratory school is presenting Hinabing Haraya 2009 at the Abelardo Hall, UP College of Music, on November 21, Saturday. Hinabing Haraya 2009 features three children's plays based on well-loved children's books: Ang Mahiyaing Manok, Pamilya Ismid and Si Hugo, Ang Pahamak na Hunyango . The plays will be performed by the Raya School elementary students. For tickets and more information about Hinabing Haraya, you may call Evelyn at 928...

No adda, ipatulodmon. Wenno suratemon. Ta ita pay, agpilpilikamin kadagiti sarita ken salaysay a Pamaskua a maipablaak iti Bannawag kadagiti bilangna iti Disiembre. Ipatulod iti: bannawag.mb@gmail.com wenno iti: Bannawag, Manila Bulletin Publishing Corp., Muralla cor. Recoletos Sts., Intramuros, 1002 Manila. Mabayadan dagiti maipablaak a sinurat. –Editor.

Maangay ti maikatlo a regular meeting ti Hunta Direktiba ti GUMIL Filipinas iti Currimao District Office, Doña Josefa E. Marcos E/S, Currimao, I.N. inton Nob. 29, 9 A.M., iti panangsangaili ni Elizabeth M. Raquel, presidente ti gunglo. Malaksid iti naisagana nga agenda a mapagpapatangan, agsapata dagiti baro nga opisial ti GF a napili idi Agosto 23, 2009 a da Freddie G. Lazaro (auditor), Eliseo B. Contillo (BOD), Avelina Fe Camacho (BOD), ken Rosario Bingayen (BOD). Maiwarasto met kadagiti chapter presidents ti kopia ti umuna a bilang ti Balikas, ken ti baro a pormulario ti panagkameng/panangpabaro iti panagkameng tapno ibunongda kadagiti kameng ti GF a kameng met ti gungloda. Maigunamgunam ngarud ti yaatendar dagiti amin nga opisial ken dagiti chapter presidents iti nasao a miting. Maipakaammo pay nga agingga iti Dis. 31 ti panagidatag kadagiti sarita ken daniw a para iti proyekto a libro. Bisitaen ti website ti GUMIL Filipinas (www.gumilfilipinas.com) wenno ag-email iti gumil.filipin...

Naluktanen ti salip iti sarita para kadagiti agdadamo a mannurat nga agnaed iti Ilocos Norte, kas impakaammo ni Elizabeth Madarang-Raquel, presidente ti GUMIL Ilocos Norte. Para iti ad-adu pay nga impormasion, makiuman ken ni Efren Inocencio, mannurat iti Bannawag ken kameng ti GIN, a mangimaton iti salip iti CP 0920-2344886.

Naangay idi Okt. 12 ti Regional Indicative Impact Assessment ti Sub-Commission on the Arts, National Commission for Culture and the Arts (NCCA), iti San Nicolas, Ilocos Norte, a nakaadalan kadagiti programa ken proyekto nga inesposoranna iti Rehion I manipud 2000 agingga iti 2007. “Kasapulan ti panagdanggay ti NCCA ken dagiti project partner ken grantees-na ditoy Rehion Uno a mangadal kadagiti programa ti kultura ken arte,” kinuna ni Ms. Corinnah Olazo-Coronel, Planning Officer ti Project Management and Evaluation Division. “Babaen ti proseso a Focus Group Discussion (FGD), mamati ti NCCA a dakkel ti maitulong daytoy iti panangamiris kadagiti pagsayaatan ken pagkurangan dagiti naesponsoranen a proyekto. Ken agserbi ti resulta daytoy proseso a baseline data a kasapulan iti panagplano kadagiti programa ken proyekto ti Commission iti sumaruno nga innem a tawen.” “Nasurok a 20 a project partners ken grantees ti NCCA iti Rehion I ti naawis a kas key informants nga umay makitaripnong i...

Aglektiur da Juan S.P. Hidalgo, Jr., dati nga Associate Editor ti Bannawag ken recipient ti CCP Gawad Dangal ng Lahi; ken Reynaldo A. Duque, dati nga Editor-in-Chief ti Liwayway ken Palanca Hall of Famer, iti panagsurat iti sarita inton Nob. 22, 2009, 1-5 P.M., iti 14 Juan Luna St. Area 2, UP Campus, Diliman, Quezon City. Panangitultuloy daytoy iti serye ti lektiur a proyekto ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, para kadagiti kamengna ken kadagiti interesado nga agkameng iti nasao a gunglo. Kadagiti interesado a dumar-ay, ag-text-da iti 0918-7458792 wenno umawag iti 400-0089agingga iti Nobiembre 20, 2009 para iti pannakaisagana dagiti masapsapul. Mainaig itoy, agawaten ti Education Committee ti GMM kadagiti daniw, sarita ken sarilaysay (creative non-fiction) a manamnama a ma-workshop kadagiti sumaruno a serye ti lektiur. Ipatulod babaen ti e-mail ti soft copy dagiti sinurat iti arieltabag@yahoo.com, wenno ikoreo dagi...

Angayen ti GUMIL La Union (GLU) ti espesial a mitingna inton Nob 14, 10:00 A.M. iti National College of Science and Technology, Ilocanos Norte, Siudad ti San Fenando, LU. Mapagsasaritaanto dagiti aktibidad a maaramid iti GLU Christmas Program (Dis. 12) agraman ti pannakabigbig dagiti presidente a nangimaton iti gunglo iti uneg ti 43 a tawen. Iturong ti Committee on Special Projects nga idauluan ni Dr. Jaime Lucero ti pannakaangay ti kaudian a miting ita a tawen, kuna ni Pres. Djuna R. Alcantara. Maidasarto ti pangaldaw babaen ti panangsangaili ni Apo Purisimo Lazaga. (Odilon E. Arizala) (Naipablaak iti Bannawag, Nobiembre 19, 2009)

Maipaayan iti Certificate of Distinction ni Pascual C. Paetan kas Mannaniw iti Tawen para iti “Salinong 1” a napili a First Prize ken naipablaak iti agbinulan a Salinong Dagiti Mannurat Iti Iloko. Mapadayawan pay dagiti sumaganad: Runner-Up, “Sudi Ken Sadia” ni Fernando B. Pias; 1st Honorable Mention, “Amo Ken Adipen II” ni Mancielito S. Tacadena; 2nd Honorable Mention, “Kasano ti Manglipat” ni Emma Sol. Pasion-Aguinaldo; 3rd Honorable Mention, “Kaanoka A Mauray” ni Carmen C. Cid; ken Special Mention, “Kinakurapay” ni Romeo L. Licudine. Agawat latta ti Salinong iti kunana a “mini-daniw” (3-7 a linia, uray naisurat iti ima) a maipablaak ken mapagpilian para iti mapadayawan a Mannaniw iti Tawen. Ipatulod dagiti surat, manuskrito ken ladawan ti autor ken ni Atty. Nole V. Lansangan, publisher-editor, Salinong, Purok 1, Villa Cruz, San Mateo, 3318 Isabela. (Naipablaak iti Bannawag, Nobiembre 19, 2009)

Nauppapaykami ta dimi nabirokan ti nobela a komiks a “Ti Bassit a Kumpay ni Patay” iti Bannawag, Nob. 9 a bilang. Dimi met mabirokan ti sarita a “Ni Saltek ken ti Ipusna nga Atiddog” ni Jovito F. Amorin iti panid 24, kas nailanad iti listaan ti linaon ti magasin. Nakitami ketdi ti baro a komiks a napauluan iti “Ti Pakasaritaan ni Sarah Dabucon”. Ngem naulit ti isu met laeng a komiks iti panid 26 ken 27. Ania ti napasamak? --OSWALD A. VALENTE Brgy. Comcomloong Currimao, Ilocos Norte (Nagsakit ti dibuhista ti “Ti Bassit a Kumpay ni Patay” a ni Apo Jun Lofamia isu a dina naikamakam dagiti dibuho wenno illustration ti nasao a nobela a komiks. Inkarina a dinton agsaksakit. Mainaig iti sarita ni Apo Amorin, uray dakami, nakigtot met ta idi maikkankami iti nasao a kopia ti Bannawag, awan metten ti sarita ni Apo Amorin iti panid 24 ken 25 a naituding a pagparanganna. Nakitami ketdi ti komiks a “Ti Pakasaritaan ni Sarah Dabucon” idinto nga iti laeng panid 26-27 ti pagparanganna koma, kas ...

(Ken ni Mom C.) Segseggaak ti awagmo tunggal alas tres iti malem Nangruna ket basta lattan naputol daydi estoriam Iti panagsupadi ti bengngat iti komedia Dagiti i-San Esteban ken i-Candon— Sangagasut ket uppat a Martes dayta A linitupan dagiti katawam ti liwliwa nga ididiaya Ti panaginana a di met ipatagikua ti kapitalista A pagorasan ken kompiuter. Agsisilpo ketdi dagiti rinibu nga estoriam: A makadangran ti napalaus a panagpagus iti nasam-it A no matnag ti nakangatngato, mabanitog A dagiti sabsabong, para kadagiti sibibiag… Ilastogko koma ti katibker ti kimkimpetanmi A kararag iti pettat nga idadarup ni Ondoy. Ay, anian a naglamiis ti dakulapna A nangapros kadagiti dapanmi ken bukotmi! Wenno amadek no nasaksiam ti panangiwalwallages Ni Pepeng kadagiti saleng ken sabsabong Nupay siertok, adda latta dagiti pakpakatawa Nga imbati kenka ti didigra. Kayatko ita a panunoten a pettat ti panangawis kenka ‘Tay barom idiay Canada ket ipasarabomto laengen Ti pagawagmo koma. Wenno inawisdaka Dag...

Ni JIM P. DOMINGO KAS pannakipagrambak ti Departamento ti Edukasion iti Tanap ti Cagayan iti maika-75 nga anibersario ti Bannawag, nagmula met dagiti opisial ti ahensia iti Bannawag Diamond Jubilee Tree iti mismo a paraangan ti opisina iti Carig, Tuguegarao City. Indauluan da Regional Director Benito S. Tumamao ken Assistant Regional Director Lourdes G. Angoluan dagiti opisial ken empleado ti pannakaimula ti maysa a patubo nga ipil (Intsia bijuga), maysa a primera klase a tarikayo, kalpasan ti maysa a programa iti sanguanan ti kangrunaan a patakder ti departamento. Kas pannakabagi ti Bannawag, impalawag ‘toy numo kadagiti naitallaong ti kaipapanan ti Bannawag Diamond Jubilee Tree ken ti akem ti magasin kadagiti programa ti Departamento ti Edukasion sakbay ti pannakaimula ti historikal a kayo. Iti ngamin Tanap ti Cagayan ti pormal a nakairubuatan ti pannakaaramat ti Bannawag iti pannakataginayon ken pannakaparangpaya ti lengguahe nga Iluko ken iti pannakapasantak ti kultura ken Literatu...

Maipakaammo kadagiti amin a kameng ken opisial ti GUMIL Pangasinan a maangay ti regular a miting ti gunglo inton Nob. 15, Domingo, iti pagtaengan da Mr. ken Mrs. Manuel S. Diaz iti Nagsaag, San Manuel, Pangasinan. Para iti nayon nga impormasion, ag-text iti 0906-4688965.

Maangay ti miting ti GUMIL Ilocos Norte (GIN), ti gunglo dagiti mannurat nga Ilokano iti Ilocos Norte, inton Nobiembre 8, 2009 iti pagtaengan ni Mrs. Ador Madarang-Pablo iti Ablan Avenue, Siudad ti Laoag, kas impakaammo ni Elizabeth Madarang-Raquel, presidente ti gunglo. Importante dagiti mapagsasaritaan iti miting kangrunaan dagiti libro nga isagsagana ti gunglo a manamnama a mayalnag kabayatan ti GIN Convention inton Disiembre 2009. Maawis ngarud amin a kameng ti GIN a tumabuno iti nasao a miting. (Jorge G. PLacido)

Maysan a diamante ti Bannawag. Ket dagiti di mabilang a tikap kadagiti sikiganna isuda dagiti rinibu a bilang, ket dagiti di mabilang a rimat ken maris isuda met dagiti pagsiriban nga impaayna kadagiti mangbasbasa… Ni JUAN S.P. HIDALGO, JR. SAKBAY ti amin, Ansuan, kablaawanta man ti BANNAWAG iti, “Naragsak a Maika-75 a Panagkasangaymo! Sapay koma ta madanonmonto ti Umuna a Panagsentenialmo! Agbiagka, Bannawag!” Asino kad’ ti mangipagarup a madanon ti Bannawag ti kasta nga edad? No tao koma ti Bannawag, ania, ay, ket adu ti ubannan, a, iti ulo, kiday, kilikili, ken takiagna. Ammom kadi a dandani la di naipasngay ti Bannawag? Idi main-inaw pay laeng, kuna daydi akinkukua kadagiti magasin a Liwayway, Bisaya ken Hiligaynon: “Gumatang kadi met dagiti Ilokano iti magasin? No timmangken a kuripot dagita a tattao.” Ngem naallukoy met laeng dagiti Ilokano a mannurat nga awan dakesna no padasenda ti mangiruar iti uppat nga isyu a kas pamadasan. No bassit laeng ti malako a, siempre, pakalugian ti...

No adda man maysa kadagiti kangrunaan a maitudo a nangmuli ken nangtaginayon iti kannawidan ni Ilokano, awan sabali no di ti Bannawag. Ni JIM P. DOMINGO NALATAK dagiti Ilokano a naandur, nagaget ken nasalimetmet a tattao. Buklenda ti maysa kadagiti kadakkelan a grupo dagiti umili iti Filipinas ket iti laeng amianan a paset ti pagilian, mapattapatta a nasuroken a sangapulo a milion ti mangar-aramat iti pagsasao nga Iluko. Malaksid iti kinaanus ken kinagaget daytoy a puli, am-ammo pay dagiti Ilokano iti kinamanagdaliasatda. Malaksid pay kadagiti orihinal a probinsia iti amianan a laud ti Luzon nga am-ammo pay a Kailokuan, nagdappat dagiti Ilokano kadagiti kaparangetna a lugar ti Cordillera ken Tanap ti Cagayan, amianan a Tengnga a Luzon, ken sumagmamano a probinsia ti Mindanao ken iti Mindoro. Iti agdama, adun dagiti komunidad dagiti Ilokano kadagiti nadumaduma a paset ti lubong kangrunaanna kadagiti paset ti Hawaii ken California iti Estados Unidos. Adu pay nga okasion ken personalidad ...

KADATAYO nga Ilokano, uray awan la ti awan, a kas itay kunada, no agkasangay ti maysa nga ipatpateg iti biag, itiliwam iti manok a partien a pagsasanguan, laokam iti tangkoy wenno bihon. Wenno saan, ilutuam iti miki, hanabale a madiguan iti di malangoy ti agabalayan, basta maawis amin a kakaarruba. ‘Tay kunadan, napia la nga adda pagsasanguan ken rason tapno makapagiinnestoria, makapagkikinnatawa ken pangpairut pay iti panaglalangen. Ket siempre pay, makantaan ti agkasangay. Iti Ilocos Norte, nalatak ‘tay kanta a para iti agkanaganan a kastoy ti pangrugianna: Padapadakam’ a sirararagsak/ A kumablaaw, mangipaduyakyak/ Ta nagtengan, aldaw a pannakayanak/ Ni (nagan ti agkasangay) a napnuan gasat! Ita, agkasangay met ti Bannawag. Apo, ta nairanrana ketdin iti panagpilpilaytayo pay laeng iti wallages da Bagyo Ondoy ken Pepeng, sa adda pay dayta simmangkautro a Ramil! Awan manok a matiliw, miki a madiguan, ispagheti a maidasar? Ala, bay-anyo man ketdi a ti agkasangay ti agidasar. Isu nga ura...

Dagiti kameng ti GUMIL CTE a timmulong iti seminar, kaduada dagiti mangisursuro iti MMSU (manipud maikapat agpakanigid, nakatakder): Prof. Edna C. Nagtalon, Prof. Marlina L. Lino; Prof. Lilybeth C. Agno; Dr. Jovenita A. Aragon, Prof. Elma B. Santos, Prof. Imelda L. Najorda ken Mr. General M. Valdez. KAS sungbat ti pannakaipaulog ti DepEd Order No. 74, series 2009, a mangilunglungalong iti pannakaaramat ti nakayanakan a pagsasao iti panagisuro kadagiti agad-adal manipud Grade I agingga iti Grade III, inangay ti MMSU College of Teacher Education, Laoag City ti agdua nga aldaw a taripnong iti mismo a pagadalan idi Set. 17-18, 2009. Kangrunaan a panggep ti gannuat ti ad-adda a pannakaipaawat kadagiti mangisursuro dagiti probision ti nasao a pammilin a manamnama a maipatungpal iti sumaruno a tawen-panagseserrek. Manipud iti Departamento ti Edukasion (DepEd) ken kadagiti Teacher Education Institutions iti Rehion I, agdagup iti 135 dagiti dimmar-ay a buklen dagiti mangisursuro iti Grade I-III...

Maangay ti regular a general membership meeting ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, inton Nob. 8, 9 AM iti panagsangaili da agkaingungot a Rey ken Tessie Duque iti Wheeler St., Tagaytay Royale Estates, Alfonso, Cavite, kas impakaammo ni Engr. Ansel D. Cargo, presidente ti gunglo. Mapagpapatangan iti nasao a miting dagiti nadumaduma a proyekto ti gunglo kas iti antolohia dagiti sarita, daniw ken salaysay a pagpaayan nga editor da Cargo, Martin Rochina, ken Honor Blanco Cabie. Kalpasan ti miting, maangay ti seremonia ti pammadayaw kadagiti nangabak iti salip iti sarita iti 2nd Premio Reynaldo A. Duque. Esponsoran ni Tessie Duque, proyekto ti membership committee ti GMM ti nasao a pasalip. Mairaman met iti programa ti maudi nga eliminasion ti poetry reading contest a ti final daytoy ti maysa kadagiti tampok ti pannakarambak ti maika-43 nga anibersario ti GMM inton Dis. 13, 2009 iti Child Jesus College. (Ma. Rose A. Cab...

Ania dayta, kunam? Kastoy, nay: no maysaka a reader ti Bannawag, adda gundaway a sikat’ pakayawatan ti P10,000 a cash prize no di man ti ania kadagiti dadduma pay a cash prizes a maipaay kadagiti mapili a mangabak itoy a pasalip ti GUMIL Maui, ti gunglo dagiti mannurat nga Ilokano iti Maui, Hawaii nga idauluan ni Apo Arnold C. Baxa. Dagiti pagalagadan: 1. Silulukat ti salip kadagiti amin nga agbasbasa iti Bannawag (mapawilan a makisalip dagiti mannurat itoy a magasin agraman dagiti kameng ti pamiliada). 2. Sungbatan laeng ti reader daytoy: Kadagiti amin a naipablaak iti Bannawag manipud Enero 7, 2008 agingga iti Oktubre 26, 2009 (iti uneg ti dandani 2 a tawen) kas kadagiti sarita, nobela, daniw, komiks, kolum, paglinglingayan, ken seksion daytoy a bonus, ania ti magusgustuam unay? Pagarigan no salaysay, ania ti paulo dayta a salaysay? Ania a bilang ti rimmuaranna? Sinagidna kadi ti riknam? Kinuldingnaka? Pinagbaliwna kadi ti panirigam wenno ti biagmo? Wenno maysa kadi dayta a sarita a ...

No adda, apagpagisu ta agkasapulan ti Bannawag kadagiti kabukbukodantayo a sarita a para ubbing para iti luktanna a baro a benneg, ti “Dagiti Kabukbukodantayo a Sarita a Para Ubbing” a marugian iti Nob. 2, 2009 issue nga isu met ti Maika-75 nga Anibersario a Bilang ti Bannaswag. Mairanta dagiti sarita itoy a benneg kadagiti ubbing nga Ilokano nga agtawen agingga iti 12, ipakita met dagitoy a sarita dagiti naisangsangsangayan a padas a saan laeng a makalinglingay ken mamagarapaap no di pay ket makaipaay iti adal wenno naimbag a sursuro kadagiti ubbing. Agatiddog ti sarita iti uppat a regular ti rukodna a bond paper, maimakinilia iti doble espasio, wenno maikompiuter iti doble espasio met laeng ken agusar iti Times Roman Medium, 12 points. Ipatulod daytoy iti editor ti nasao a benneg, ni Joel B. Manuel, iti: joelbmanuel@yahoo.com wenno itoy nga adres: Joel B. Manuel, Banna National High School, Espiritu, 2908 Ilocos Norte.

ken ni Edison, OFM, itoy maika-29 a panagkasangayna nupay nasurat sumagmamano nga aldaw sakbay ti panag-28-na) Naggibusen ti gubat, Kabagis. Luktamon ta katedral Ta isagutko dagitoy ayat ken kappia a tinegged ti buli; Adtoy dagiti dapo ti kampilan ken kalasag ken armalayt Itanemko iti tukot ti altar tapno didan bumangon pay. Sinarakusokko ti sipnget apaman a tinallikudannak Insarangko ‘toy barukongko iti ulpit dagiti di-katatawan Ta pudno ti kunam: di agamak dagiti kabusorko iti rosario, Di rumukma iti agua bendita ta ganggannaetda iti Biblia. Mabannog met ti bagi nga aguray iti balligi a di maanninawan Wenno iti kappia nga inyadayo ti law-ang ken kinadatdatlag. Diak maawatan a ti nakakaasi, agdir-into iti agnanayon a ragsak Ta agpatingga laeng ti utekko iti puso, ipatpateg ken pannangan. Saanak ketdi a nakiranget iti dangadang dagiti adipen ti boksit, Saanak a kimmalay-at tapno balinsueken ti trianggulo Diak inlimog ti nalabaga iti amarilio ta awan ti makabael— Impaneknekko laeng nga ...

Inyalat ni Mighty C. Rasing ti Umuna a Gunggona ti Salip iti Sarita ti Premio Reynaldo A. Duque babaen ti saritana a “Tiket”. Tubo iti San Manuel, Isabela ngem agnaed ita iti Quezon City, agpapaay ni Rasing a coordinator ti young people’s ministries ti Division on Ministries with Young People (DMYP) ti United Methodist Church. Inyalat met ni Jovito F. Amorin, tubo iti Sta. Maria, Ilocos Sur ken empleado ti PLDT iti Makati ti Maika-2 a Gunggona babaen ti saritana nga “Itta”, idinto a ni Jake F. Ilac, tubo ti Lasam, Cagayan ken maysa a freelance agent ken entrepreneur iti pagaramidan iti silaw iti Valenzuela City ti Maika-3 Gunggona babaen ti saritana a “Subeg”. Kas impakaammo ni Tessie Duque, esponsor ti pasalip, mayawat ti plake ken premio a kuarta iti Seremonia ti Pammadayaw a maangay iti Tagaytay Royale Estates, Alfonso, Cavite inton Nobiemre 8, 2009. Itoy a tawen, naluktan ti pasalip kadagiti kameng ti GUMIL Metro Manila ken GUMIL Candon ken kadagiti interesado nga agkameng kadagito...

Nairaman iti pabuya ti Bayanihan Folk Arts Foundation a “Beyond Folklore Celebrating 50 Years after Broadway” ti Sarsuela Ilokana iti Cultural Center of the Philippines idi Okt. 2-4. Kadua ni Gov. Deogracias Victor “DV” Savellano a nagakem iti pabuya dagiti sarsuelista a da Divina Quemi ken Zenaida Pulido idinto a nagbalin met a consultant iti paset ti pabuya a “Romansa Ilocana” ni Agapito Pablico a nangsurat iti sarsuela a “Sirnaag I” ken “Sirnaag II”. Lalo pay a nangpangayed iti pabuya ti panangkompaniar ti bulsek a ni Bernard Tabag (gitara) ken ti pukol a ni Joel Guillermo (keyboards) iti panagkanta da Gov. Savellano kadagiti kankanta iti Kailokuan. Maulit ti pannakaipabuya ti “Romansa Ilokana” inton Dis.18-22.maipabuyanto manen daytoy iti CCP kas impakaammo ti gobernador. “Maysa daytoy a wagas tapno mataginayon pay ti Sarsuela Ilocana a matmatayen gapu iti adu a rason,” kinuna ni Gob. DV Savellano. Maipalagip nga idi 2007, inesponsoran ti gobierno probinsial ti Zarzuela Festival it...

siak ngatan ti kaaduan iti pinutot nga alis

Dagiti Dadaulo Di Agpatpatingga Ti Ipuspuskol Ti Rupada ...maklaatak ta blanko, agsarsaragasag met ti rupada

AGPARTIAK ITI KALDING, KALIEK 'TAY LEBBENKO A BASI

BANG!

Kahalintulad ng kamatayan, tiyak nga lang kung dumating Sa katapusan. Parang listahan ng kasalanang di mawari O gustong kalimutan— hindi maintindihan kung bakit Ang isa ay mas mataas sa mga iba. Pero iisa ang intindi ko: Ang bawat nais ay may halaga at masaklap na ang bawat Kailangan ay patuloy sa pagtaas at ayaw nang magpaabot pa. Tumatambad sa pintuan at ipapaalalang hindi na nagagawi Ang amihan kaya’t lumalakas ang hampas ng electric fan. Tuliro na kaya ang utak kaya’t napapasarap sa tele-dramang Pangungutyaan ng mas mababaw na dahilan ng pag-iyak O kaya’y nawawala ang problema kung dinadatnan ng nasa Sa ibinibilad na katawan? Madalas na ba ang pag-init ng ulo At naglalagok, naliligo ng malamig na tubig? Kung patay Naman ang ilaw sa araw, gumagapang ang kadiliman Ng kapaligiran at ang lahat ng maiitim na saloobin at isipin Ng kapitbahay ay kumakatok sa pintuan, nangangalampag Ng bintana, naglalakad sa bubungan— nagsasadaga At nagsasaipis. Peste! Dumadami pati ang peste sa dibdib. Ma...

Aglektiur ni Juan S.P. Hidalgo, Jr., dati nga Associate Editor ti Bannawag ken recipient ti CCP Gawad Dangal ng Lahi, iti panagsurat iti sarita a para ubbing inton Okt. 11, 2009, 1-4 P.M., iti 14 Juan Luna St. Area 2, UP Campus, Diliman, Quezon City. Panangitultuloy daytoy iti serye ti lektiur a proyekto ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, para kadagiti kamengna ken kadagiti interesado nga agkameng iti nasao a gunglo. Kadagiti interesado a dumar-ay, mabalinda ti ag-text iti 0918-7458792 agingga iti Oktubre 9, 2009 para iti pannakaisagana dagiti masapsapul. (MRAC) Naipablaak iti Bannawag, Oktubre 12, 2009, p.35.

Ang-angayen ita ti Ilocandia Photographic Society ti maysa a photo exhibit a napauluan iti “Ladawan ti Kailokuan” iti MMSU Main Library, Batac, Ilocos Norte. Agpaut ti eksibit manipud iti Set. 29 agingga iti Okt. 9. Dagiti nakipartisipar a photographer: Alaric Yanos, Anthony Ramos, Bryan Rapadas, Edwin Antonio, Ferina Albano, Joseph Reginaldo, Jose Orosa III, Joseph Andie Lamug, Neil Ratuita, Mawie Chan, Michael Ong, Robert Luzod, Ronald Macatulad, Lorma Macatulad, ken Carlito Villamarin. Para iti dadduma pay nga impormasion, sarungkaran ti tipsilocos.blogspot.com. (Naipablaak iti Bannawag, Oktubre 12, 2009, p.35)

Masansan a nalabaga ti maris ti kasaor Nangruna no kastoy nga agtabonen ti init— Awan pagilasinan ti panagtataripnong Ti talinaay, pammateg ken panagila iti barukong Nupay agsasallupangen dagiti samiweng Ti Paskua. Agkeppet, maregreg dagiti bulong Ket makilumba ti maris-daga iti sipnget A mangtagikua iti kinalangto sa agkaradapda A mangipakaammo iti bagina ti umadanin A sardam: saanen a salemsemen ti karenken A kudil iti linnaaw ti sardam— ketdi, nalamiis. Ngem agpatagikua ita iti maladaga a kannag. Kaay-ayona daytoy a buya: nababa ti tayab Dagiti tuwato, agbangabangada kadagiti ruot Ken sabsabong iti arubayan. Saan nga agsubli Iti kinaubing a maayatan a mangyappan iti insik Iti pakambong; seknan ketdi iti lagip ti kinaubing Dagiti ubbingna ket tannawaganda dagiti nababa A helikopter iti abagatan a purok. Ket bayat Ti pannakaipugso ti apuy, kunana kadakuada: Tuwato dagita, Annakko, babassit a dragon; Puoranda ti bakir, puoranda ti kapanagan… Inton dumakkelkami, pagtalawenmi dagiti drag...

Iti pannakitinnulong ti GUMIL Metro Manila ken GUMIL Filipinas Salip iti Sarita 2010 ti SABALI Awards Dagiti Pagannurotan: 1. Pasalip daytoy ti Savella-Baclig Literary Awards iti panangesponsor da Judge Vivencio S. Baclig (tubo iti Cabugao, I.S.), Presiding Judge ti Regional Trial Court Branch 77 iti Quezon City, ken ti kaingungotna, ni Nenita F. Baclig. Ti met GUMIL Metro Manila ti mangimaton iti salip iti pannakitinnulong ti GUMIL Filipinas. 2. Mangrugi ti salip iti Oktubre 1, 2009 ken aggibus iti Pebrero 28, 2010. Silulukat ti salip kadagiti amin a mannurat a kameng ti GUMIL Filipinas wenno ania man kadagiti chapter daytoy malaksid kadagiti kameng ti BANNAWAG. 3. Siwawayawaya ti mannurat a mangpili iti topiko ti suratenna a sarita. Agatiddog ti sarita iti 10-20 a panid, maimakinilia wenno computer-typed iti doble espasio iti 8-1/2” x 11” a bond paper iti ania man kadagitoy a font: 12 points Times New Roman wenno 12 points Book Antiqua. 4. Maysa laeng a sarita ti mabalin nga isalip t...

Kas mayannurot iti panggep a mangyam-ammo iti Biblia kadagiti amin a Filipino sadino man ti ayanda, iwaywayat ita ti Philippine Bible Society ti serye ti “Bible Relevance in Modern Times Seminars (BRIMS)” iti Amianan a Luzon. Babaen ti BRIMS, manamnama nga ad-adda pay a maapresiar dagiti tattao ti agbasa, mangadal ken mangusar iti Sao ti Apo kas bagnos iti inaldaw a panagbiagda. Karaman kadagiti mataming a topiko dagiti sumaganad: “Why are there so many Bible versions?” a trataren ni Dr. Annie Del Corro, Translation Consultant iti United Bible Societies; “Translation and Interpretation Principles” ni Dr. Daniel Arichea Jr., Ph.D., Translation Consultant iti Philippine Bible Society; “Wellness Through Solitude” ni Dr. Philip Flores, National Coordinator iti Training of Pastors International Coalition-Philippines; ken “Bibliodrama” ni Fr. Oscar Alunday, Executive Secretary ti Episcopal Commission on Biblical Apostolate ti Catholic Bishops’ Conference of the Philippines. Panangisagana day...

sagbibinting a daniw ken dadduma pay koleksion dagiti dandaniw ni ariel s. tabag umuna a gunggona iti salip iti daniw, atila 2005. saan ketdi a nayawat ti premiona a kuarta a $350 gapu iti di napakpakadaan a panagpukaw ti alimunumon ni apo artemio tolentino ignacio nga esponsorna. gistayan nabayadan iti dakkel, ngem nalabit talaga a naikari a nalalaka dagitoy a dandaniw. dagiti namarkaan iti *, naidatag iti bannawag nupay saan nga amin ket naipablaak. no diak mariro, addan dagiti naipaskil idi, ngem ulitek manen ket sangsangkamaysada itan. adtoy man, appo, dagiti berso ti agtutubo, nabuangger pay laeng idi a rikna: sagbibinting a daniw sagbibinting a daniw kunada iti berso dagiti lua ken saem dagiti ubbing a pinutot ti panagallaalla ti siudad iti sardam a nagatgatad ti jollibee wenno mcdo ngem iti uki wenno suso a kalpasan a naitig-ab ti burger, imbungonda ti plastik ti nagtukel a dara, impisokda iti drum a pagaangatan dagiti aso a pinagballa ti tao. siak ti mannaniw a ginatadanda iti ...